أنا آسف ---أفشل مدير فنى أخلاقياً فى تاريخ الكوره المصرية

بجد دى مش أخلاق لاعب كوره ولا أخلاق مدير فنى

سيبكوا من الماتش واللى حصل

تخيل معايا كده لو جمهور الفريقين نزل الملعب فى هذه اللحظه

أيام ماتش تونس كان الجمهور المصرى فى الملعب بيضرب فى الفريق التونسى ولو إن ده غلط بس ماشى

لكن لو نزل جمهور الفريقين الملعب

والله والله دى كانت هتبقى أكبر فتنه فى تاريخ الكوره المصرية

كانت هتبقى أشد وأعظم على مصر من فتنه المسلمين مع المسيحيين

كان هيبقى الدم مش للركب ده للأعناق والله

بس أنا بحيي لعيبة الفريقين على الدخله الجميله والظهور الرائع وكمان جمهور مصر العظيم على الدخله

الجميله الرهيبه اللى أسعدتنا كلنا وكمان وقت المشكله لمامحدش فيهم تحرك ولا قام من مكانه

يا جماعه حسام عاشور خد كارت أحمر من المباراة ومحدش حس بيه

إيه يعنى دخل جول إيه يعنى الدورى كله راح

من الأهلى أو الزمالك بس مش أكون سبب فى فتنه عظيمه ومذبحه رهيبه لو كان الجمهور نزل الملعب

علشان خاطر مدرب فاشل زى ده

أنا بناشد المجلس الأعلى للقوات المسلحه

أن يصدر قراره لإتحادالكوره بإيقاف حسام وإبراهيم حسن عن التدريب فتره كبيره

وأن يستدعيهم لسؤالهم عن هذه الواقعه

والله الماتش كان ماشى جميل

والله لو الأهلى كان إتهزم ماكانت هتفرق معايا كفايه السعاده اللى الواحد كان فيها بسبب الظهور المشرف لشعب مصر

بس للأسف عكر صفوها حسام وإبراهيم والعميل بتاعهم شيكابالا

(( تم تعديل جزء من المساهمة بواسطة المدير العام ))

أولا تحياتي لكل الزمالكوية في المنتدى
وبعيدا عن الرياضة
واسف *** في الدوري والكورة كلها
عايز حد يفهمني حاجة , ايه ودى المتخلف ده لعند جوزية ومسكة من ايده لما الراجل اتألم . هو كده ارتاح
طيب على رأي الاستاذ محمد مش ممكن يتسبب في فتنة عظيمة وخصوصا في الاجواء دي وده كله بدون سبب
هاعتبر كلامه صحيح ولعيبة الأهلي أسف في اللفظ ( ********** ) ولعبو الكورة وجابو جون ,, ايه المشكلة ,,, طيب ليه احنا مكلفين نفسنا وجايبين حكم ,, وبعدين الكورة كانت رمية تماس والحكم اشار باللعب واشار للعيب ا**** اللي بيمثل انه يقوم , في الحالة دي لعيبة الأهلي تعمل أيه ,, تبوس على ايد الحكم عشان يوقف الماتش .
طيب دي مباراة هامه ولعيبة بتضيع وقت والحكم حسب 15 ثانية وقت بدل ضايع في الشوط الأول رغم ان الاهلي كان مغلوب ورغم ان لعيبة الزمالك ضيعت وقت كتير ,, وبالتالي فلعيبة الأهلي لازم تلعب بسرعة والكورة كانت اوت .
يعني ما فيش مبرر واحد في الميه للعمل العصبي اللي عمله الغير محترم .
*************
وبعدين مش الجون اللي ضيع الدوري , ارجعو لماتشات الزمالك اللي فاتت من المقاصة للطلائع واخيرا الهزيمة من المصري .
واخيرا انا مشفق على جماهير الزمالك المحترمة واللي اتحملت كتير لكن نصيبها كده وبدون زعل لازم يعاد النظر في الهيكل الإداري للفريق .
وباضم صوتي لصوت محمد النجار لازم يتحول حسام حسن للتحقيق ويوقف عن التدريب لانه ببساطه كان هيتسبب في كارثة مصرية لا يعلم ضررها الا الله.
************
وبعدين اللاعب الخلوق هاني سعيد اللي كله يشهد باخلاقه شفتو عمل ايه وانا بالتمس له العذر بسبب الشحن الرهيب اللي حسام حسن شاحنه للعيبه بس مش للدرجة دي .
أما شيكابالا فلا تعليق سوى اننا نخسره دائما بسبب تصرفاته ولو عايزينه يكون ليه مستقبل مبهر لازم يشوفو له دكتور نفساني شاطر وده كلام بجد مش تريقة .
************
وأما عماد متعب لو ثبت انه استفز الجماهير فلازم يتوقف ويتعاقب من النادي قبل اتحاد الكورة.
أما حسام عاشور فتصرفه غبي جدا ولايليق بالاهلي ولازم يتحاسب لانه كلف الفريق كتير وكان ممكن الاهلي يخسر بسبب طرده .
***********
واخيرا والله العظيم كلامي ما ليه علاقه بالتعصب ولكن دي وجهة نظر فيما حدث

الماتش انتهى والدوري هينتهي ويعدي وهيكون مجرد رقم في السجلات
ولكن كل قطرة دم سالت فسيحاسب الله المسؤل عنها وهنا اتذكر الحديث الشريف
""" كل المسلم على المسلم حرام , ماله ودمه وعرضه """ صدق رسولنا الكريم عليه افضل الصلاة واتم التسليم
واعتقد ان الجمهور الابيض والجمهور الاحمر كانو نجوم المباراة واكثر من رائعين
ولكن الفتنة اتت من حيث لا يجب ان تأتي والحمد لله ربنا سترها ولكن لا بد من عقاب المخطيء كما قال اخي محمد النجار
*****************
وفي النهاية مصر أهم من الجميع وارجو ان تكون التعليقات في حدود اللياقه وارجو عدم الخروج عن النص .

مرة أخرى يثبت حسام حسن أنه لايستحق تدريب أحد قلاع الكرة المصرية والإفريقية والعربية بسبب تصرفاته الهوجاء وعصبيته الزائدة عن الحد التي دائماً ما تأتي بالكوارث لناديه وللكرة المصرية بشكل عام، ولعل مسئولي نادي الزمالك يفيقوا ويسندوا المهمة إلى "مدرب" وليس مشجع متعصب لايتمكن من السيطرة على أعصابه.

حسام حسن الذي أدار المباراة بشكل جيد وساعده على ذلك محاولة جوزيه الفاشلة في المباغتة والمفاجآة أثبت للمرة الثانية أن الثورة لا تهمه وأن فوز فريقه بمباراة الأهلي أهم بكثير من استقرار البلاد ومن بركان الغضب الذي ينتظر دفعة بسيطة للانفجار.

مدرب الزمالك تحول من عميد إلى عسكري لا يجيد القراءة والكتابة بعد رؤية الأهلي يسجل هدفه الثاني ويقضي على أمال الزمالك في الفوز والعودة للمنافسة، لايجيد قراءة المستقبل وما قد يحدث بسبب تصرفاته الهمجية ولا يجيد كتابة تاريخ مشرف له كمدرب وليس كمشجع حتى الأن.

انقضاض حسام حسن على العجوز مانويل جوزيه باندفاع وجذبه من ذراعه الأيمن إعتراضاً على مبدأ الروح الرياضية بإخراج الكرة خارج الملعب لإصابة لاعب الزمالك، جاء بكل روح شيطانية صيبانية طفولية أشعلت معركة الشوارع في ملعب المباراة واشتبك اللاعبون والأجهزة الفنية بعد إشارة الحرب من المدرب المتعصب الهمجي حسام حسن.

فعلة حسام حسن الأولى بخروجه لتأييد الرئيس المصري المخلوع حسني مبارك وسبه للثوار أهون بكثير من فعلته اليوم بتهييج اللاعبين والجماهير والأجهزة الفنية بالقطبين خاصة وأن البلاد على "كف عفريت" وفي حاجة إلى الحكمة والهدوء والرحمة من أبناءها الشرفاء.

بكل أسف مدرب الزمالك أثبت أنه يستحق الطرد ليس من الزمالك فقط وإنما من البلد صاحبة الفضل الأول والأخير عليه، بسبب نقصان عقله رغم نضوج جسمه، ويجب على إدارة نادي الزمالك المحترمة أن تعلم أن المدير الفني للقلعة البيضاء في هذه الظروف لا يجب أن يكون مهيجاً للجماهير أو مشجعاً على المعارك بل وهو من يبدأها بنفسه مثل حروب القرون الماضية.

الدوري المصري مليء بالمدربين الكبار من أبناء نادي الزمالك الذين يستحقون تدريب الفريق الأبيض ليس فقط لكفاءتهم الممتازة وإنما أيضاً لخلقهم الرفيع وعقلهم الناضج ، وهذا نداء إلى الإدارة البيضاء .. اطردوا حسام حسن قبل أن يتسبب في كوارث جديدة لنادي الزمالك وللكرة المصرية، والبدائل مطمئنة وجاهزة وتتمنى الإشارة أمثال حسن شحاته المدرب العظيم في تاريخ الكرة المصرية أو فاروق جعفر أو طارق يحيى أو طه بصري أو حتى مدرب أجنبي يحترم عمله والبلد التي تعطيه من خيراتها، وفي أسوأ الأحوال أياً كان المدرب القادم للزمالك لن يكون في همجية وصبيانية حسام حسن.