عملتلكوا النهارده حتة اكله حتاكلوا صوابعكوا وراها
بصـــــــــــــــــــــــــــــــــــــــــــــــــــــــــــــــــــــــــارة
المقادير
نصف كيلو فول مدشوش
2 حزمة بقدونس
2 حزمة كزبره خضراء
2 حزمة شبت
4 بصلات خضراء ( البصل الأخضر الطويل )
ملعقه كبيرة خل
ثوم مفروم........و 6 فصوص ثوم سليم
بصله كبيره مقطعه قطع كبيرة
كزبرة جافه مطحونة ( من التوابل عند العطار )
ملح و فلفل و كمون مطحون
زيت دوار الشمس للتقليه
الطريقه
أغسلى الفول و أنقعيه فى ماء لمدة ساعة أو ساعتين
غيرى الماء و ضعى ماء آخر و ضعيه على النار ثم أضيفى البصله الكبيرة و فصوص الثوم السليمه
و النار تكون عالية و من وقت لآخر تقللبى
بعد ما ينضج الفول و شكله يكون تام النضج و الماء يا دوب تكون مش ظاهرة......أضيفى الخضروات السابقة و تكون مغسوله و مقطعه (((((((( بدون أضافه ملح.)))))))))...و أتركيها حتى يقل الماء أكثر
بعد حوالى 10 دقائق أطفى النار و أتركيها تهدأ ثم أضربيها فى الخلاط على دفعات ......
ثم ضعيها فى أناء الطبخ و ضعيها على النار مرة أخرى مع أضافة الملح و الفلفل و (الكمون قليل) و ملعقة كبيرة خل
تغلى قليلا لمدة 5 دقائق ثم أبعديها عن النار
لعمل التقليه......
أضيفى زيت فى طاسه التحمير و الثوم المفروم و البصل المفروم ( فرم خفيف شويه ) مع الكزبرة المطحونه
و ضعيهم على النار مع التقليب حتى يصبح اللون ذهبى
أضيفى نصف التقليه على البصارة و النصف الآخر أحتفظى به لتجميل الأطباق بعد الغرف
ثم قللبى البصارة و أغرفيها فى أطباق التقديم لكل شخص طبق
ثم ضعى فى منتصف الطبق على الوجه قليل من التقليه ....و بالهنا و الشفا
يارب تكون عجبتكوا وبالهنا والشفا
ادعولي بقه وانا كل يوم حعملكوا بصارة برضه
