حاجة تغيظ !! عبر عن غضبك

بسم الله الرحمن الرحيم
بصراحة الفكرة دي مش مقتبسة ودي جت في دماغي لما فكرت ازاي نقدر نعبر عن الحاجات الكتير اللي بتستفزنا في زمنا ده
والفكرة عبارة عن ان اي واحد في منتدى شباب ابو نجم عنده اي موقف غايظه أو اي حاجة مستفزة قابلها في تعاملاته اليومية يكتبها هنا بس ياريت ما تكونش مشاكل شخصية , يعني حاجات في الحياة العامة وانا هابدأ
ياريت يا شباب تعبروا عن كل حاجة غايظاكم .

بصراحة في حاجات كتير مستفزة وبتغيظ
بس هاحاول اكتب حاجة كل مرة
أول حاجة مستفزة بصراحة شكل الناس على فرن العيش الصبح
يخليك تحس ان احنا في مجاعة.

انا بقا بتغاظ مووووووووووووت لما أكون معدى المعدية والاقى واحد من شباب الجامعة عامل فيها تامر حسنى ونظارة وبدى و........... ( وتلاقى البو.....باين من تحت البودى ) وقاعد يسمع أغانى ع الموبايل واحنا لسه ع الصبح ومستنى واحد فى سن أبوه أو جده يشدله المعدية عشان حمادة اديه متتوسخش ويسلم على رووئه بايده كدا ( مع انه لو معاه زميلة كان قام شدلها وربما لو رجعلها من نص الميه ) هههههههههههه

اوعوااااااا حد يزعل من الصراحة

شكراً يا باش مهندس عشان سبتلنا مساحة نفضفض من اللى بنشوفه كل يوم

وانا والله اكتر حاجه بتغظنى موووووووووووووووت الزحمه على الموصلات الصبح

انا بقى بيستفزني انك تكون نايم أو بتذاكر أو حتى قاعد فاضي وتلاقي واحد ناصح راح فتح مكرفونات الجامع على الأخر على إذاعة القرآن الكريم قبل الأذان بربع ساعة واوقات نص ساعة
والمصيبة انك مش فاهم ولا سامع غير وش ومش قادر تميز المكرفونات بتقول ايه
والمهم تيجي تكلم الناصح وتفهمه ممكن يتهمك بالردة
يا عم مالهاش أساس وكفاية الأذان
يرد عليك وانت مالك
حاجة تحرق الدم هههه

يا بشمهندس الى يغيظك حاجات كتير لكن
السلبيات دى موجوده فى كل مكان
وكون اننا نذكر سلبيات قريتنا على المنتدى
فكره غير مرغوب فيها يعنى على سبيل اننا
نحافظ على الشكل العام للبلد

يا حبيبي انا ما جبتش سيرة سلبيات البلد
انا باقول مواقف حياتية بتقابلك كمواطن مصري في عملك في الشارع وكده يعني
وعنوان الموضوع عبر عن غضبك !!
يعني قول رأيك في أشياء مستفزة

السلام عليكم

هى قكرة
جيدة
يا مهندس

بس ياريت الشباب يكتبوا مظاهر موجودة فعلا وتمثل مشكلة حقيقية
( مثل ما كتبتم جميعا ) ويقدم حلول لهذه الظاهرة

وانا عندى بعض الظواهر السلبية
مثل

(1)
ظاهرة ارتفاع الاصوات فى الشوارع
كل توك توك معدى رافع الصوت وكأنه DG ولا مراعاة للمرضى ولا ناس تذاكر
فعلا شىء سخيف

ويؤذى كثيرا منا
والصعب انه ساعات يكون معدى بجوار المسجد ولا يهتم لااء الناس للصلاة
طبعا الحل ان كل واحد مسلم محترم عنده توك توك يرحم الناس ويسمع على قدره فقط

» حاجات تغيظ
» غضبك اى نوع فيهم
» قبل الزواج حاجة.................. وبعد الزواج حاجة تانية
» حاجة غريبة ... فى مصر
» بجد منتدى ابونجم حاجة تشرف