هام وعاجل لكل طالب وطالبة

السلام عليكم ورحمة الله وبركاته
اخوانى واخواتى الطلبة والطالبات اتحدث معكم اليوم بصفتى اخ لكم فى الله ومن واجب الاخ على اخيه
ان يقدم له النصيحة كما اخبرنا بذلك سيدنا رسول الله صلى الله عليه واله وسلم فى حديثه النبوى الشريف الصحيح (الدين النصيحة قالوا لمن يارسول الله؟فقال لله ولرسوله ولكتابه ولائئمة المسلمين وعامتهم)فمن هذا المنطلق انصح نفسى وانصحكم بان نذاكر بجد واجتهاد لله سبحانه وتعالى اولا ثم لرفعة ديننا ووطننا وانفسنا ثانيا.
كنا فى العصر البائد كثيرا مانسمع هذه الجملة من الطلبة والطالبات(اذاكر ليه؟وهو اللى ذاكر خد ايه)
دلوقتى الاوضاع اتغيرت والحال تبدل واصبح احسن من الاول بكتير جدا
ليه انتظر حد يغششنى ؟ ليه احرج نفسى لما اتمسك وانا معايا برشام وباغش منه؟ليه مااخافش من ربنا وهو بينظر ليا؟
يالله نذاكر مش عشان ننجح بس لا ننجح وبتفوق كمان ونجيب اعلى الدرجات .يالله جدد عهدك مع الله واستعين بيه على هذا الحمل اللى انت قده ان شاء الله وخلى شعارك دايما(نعم استطيع بحول الله ومدده وعونه وقوته)
ومن الامور اللى هتساعدك على المذاكرة الجيدة الاتى
1/البعد عن الذنوب والمعاصى
2/الاستعانة بالله سبحانه وتعالى
3/تنظيم الوقت
4/الحرص على الراحة النفسية والبدنية
5/المذاكرة اولا باول
6/ابدأ بالاسهل
7/صحبة الاخيار
8/متابعة الدلروس والانتظام فى حضورها
9/مفيش مستحيل .فيه صعوبات بس فيه حلول ان شاء الله
10/اغتنام الاوقات الجيدة مثل بعد الفجر وفترة الصباح
11/وهو ده اهم عنصر ان يكون لك هدف وان تسعى بجد لتحقيقه
والسلام ختام وربنا يوفقنا كلنا امين.

جزاكم الله خير ياشيخ وذاد الله من امثالكم وغفر الله اكم :

السلام عليكم ورحمة الله وبركاته
شكر الله لك وغفر ذنبك وفرج همك
تقبل منا ومنكم صالح الاعمال وجمعنا على الخير دائما انه ولى ذلك ومولاه

جزاكم الله خيرا
يا شيخنا الجليل
... موضوع فى غاية الاهمية والخطورة
وياريت شبابنا يتعلم الاعتماد على النفس
حتى ننهض بمستوى التعليم
ونخرج اجيال تجيد صناعة المستقبل
بارك الله فيك
ونفع بك

وجزاكم الله خيرا

السلام عليكم ورحمة الله وبركاته
اخى الاكبر واستاذى الفاضل محمد بك نجم جزاك الله خيرا واشهد الله اننى تعلمت منك الكثير والكثير ففى كل جلسة لى معك اخرج بشيئ جديد فاسال الله ان يجمعنا فى الدنيا على محبته وطاعته وفى الاخرة فى ظل عرشه وفى الجنة اخوانا على سرر متقابلين انه ولى ذلك ومولاه امين