عمدة كفر ابونجم

السلام عليكم ورحمة الله وبركاتة
قبل فترة تم طرح فكرة مين هو عمدة كفر ابونجم القادم ان شاء الله

وكانت ردود كتيرة من الكثير من الاعضاء تدل اننا فى حاجة ماسة الى تغير العمدة

لان العمدة باختصار بيعبر عن كل الفساد فى العهد البائد ------------------------
انا هورد ليكم بعض من ردودكم على الموضوع السابق ومنتظر مشاركتم فى واقعيا فى الموضوع الحالى

عمر عبدالحميد كتب:

وانا شخصيا أرى ان البلد بها شخصيات محترمة تستحق ان تتولى هذا المنصب ومع احترامي الكامل للحاج عبدالرشيد إلا انه يوجد الكثير من الملاحظات عليه ومشاكل شخصية مع العديد من الأهالي مما يجعله في نظر الكثيرون لا يستحق تولي منصب عمدة البلد .

ولكننا نحتاج منبرا قويا يجمعنا لنبدأ من فوقه هذه الثورة إن جاز لنا ذلك وان كنا قادرين عليها .
واعتقد ان المنتدى حاليا هو المكان الوحيد الذي يجمع شباب البلد ليقولو كلمتهم ويعبروا عن أرائهم
والتقدير متروك لكم[/color]

عمر عبدالحميد كتب:

أما العمدة الجديد فاعتقد انه لابد ان يتمتع بالاتي :
1 - مشهود له بالايمان والتقوى .
2 - مشهود له بالعدل وكره الظلم .
3 - حب الناس .
4 - متعلم ومثقف .
5 - قريب من الشباب .
6 - صغير السن .

وطبعا الشروط دي كل واحد يرتبها بمزاجه وياريت كل واحد يشارك برأيه

محمدالبدري كتب:

لكن اتمنى لما نعرف ميعاد الترشيح
للفتره القادمه نشوف بجد وجوه شابه
وطموحه هدفها الاصلاح والخدمه العامه

البرنس 2010 كتب:

وبعدين لازم نفكر صح مين يقدر يخدم البلد --------

البرنس 2010 كتب:

فى البدايه مش فى خوف من حاجه وهو الحاج عبدالرشيد اقوى من حسنى
بسم الله ماشاء الله بلاش الكلام كده اللى شايف غلط يقوم يصلحه وده مش كلامى ده كلام المولى عزوجل والرسول من رأى منكر فاليغيره
ولازم البلد تبقى افضل من كده كفايه سكوت على الظلم لازم نتغير مش العمده بس لازم نغير انفسنا

نبض القلوب كتب:

مليون مبروك لمصر
وبعد تنحي مبارك هل ممكن عمدتنا يتغير ؟
طيب !! لو هيتغير ممكن نتفق على بديل مناسب ؟
-------------------------------------------------
يلا ياشباب عايزين نحس ان مصر اتغيرت

عمر عبدالحميد كتب:

يا جماعة القصد من الموضوع هو طرح الافكار والأراء
ليه مش عايزين نتنفس شوية حرية
هنخسر ايه لو عبرنا عن أرائنا بصدق ونقول اللي في نفسنا
مصر كلها اتغيرت ! ليه مش مصدقين ؟
وبعدين لو ما نفعش الترشح يبقى احنا عبرنا عن رأينا ويكفينا اننا عرفنا مين الناس المحترمة في البلد من وجهة نظر كل واحد فينا
وفيه طرق كتيرة ممكن نوصل بيها أرائنا للمسؤلين زي جمع توقيعات وخلافه


دعوة للجميع
تعالو نتنفس شوية حرية والله العظيم ممتعة

احمد نجم كتب:

الموضوع جميل جدا
واحب ان اوضح ان البلد فيها كثير من الشرفاء
ولكن العمل التطوعى لابد له من دوافع فى النفس
واستعداد له لان المفروض ان المتطوع يخسر كثير من ماله ووقته فى سبيل البلد
فهل هناك من يستطيع ذلك
مع تحياتى لكل الشرفاء
بالاضافه الى حب الناس لابد اتن يتمتع بالذكاء والكياسه والفكر المتطور
والا كيف سيخدم الناس يالحب فقط
شباب 25 يناير قاموابثوره كامله عبر التكنولوجيا
فهل مننا من يستطيع القيام بثوره فكريه فى البلد

بنت الجيران كتب:

------------------------------
بس أهم حاجه تقدروا تخلوعوا الحاج عبدالرشيد

محمد النجار كتب:

وبعدين نفكر فى عمدة البلد اللى طبعاً مش هيكون الحج عبد الرشيد نجم

وياريت العمودية بعد كده تكون إنتخابات مش اللى يبعت أخبار أكتر للمركز

على حساب أهل بلده

نووووووور كتب:

------------------
و اصبح فكرنا لما هو اصلح و انفع للناس و خير الناس انفعهم للناس ام بالنسبة لطرح موضوع العمدة ارى ان منصب العمدة مهم جدا جدا لاى قرية و لكن فى السابق كان الغير مناسب فى المكان المناسب و دائما الافراد هى التى تسىء الى اماكنها و انا ارى ان نصلح انفسنا اهلينا و نتقى الله حتى يخرج من بيننا من يصلح الله به احوالنا ام العمدة الا يذيد عمره عن 45سنه ان يكون بالانتخاب و هو امر طى البحث

وهذة كانت بعض من مسهامتكم وارائكم

السلام عليكم ورحمة الله وبركاتة

ان شاء الله فى مجموعة من اهالى البلد
ستتوجة يوم الاتنين او الثلاثاء القادم لمقابلة مدير امن الشرقية
لطرح بعض من مشاكل القرية الامنية وخصوصا ملف العمدة

والحوار مع مدير الامن هيكوون ان شاء الله على هيئة جزيئين
الجزء الاول عام مثل سرقة الرمال من على الجسر
وانتم عارفين من الى بيبيع ومين الى بيشترى
ومثل مين الى شايفينة افضل من العمدة لذلك المنصب
وخاصة ان العمدة تاريخة ناصع البياض!!!!!!

ثانيا مناقشة اى مشاكل شخصية من العمدة
يعنى الناس الى كان العمدة بيفرض عليهم اتاوات
زى البقالين واصحاب محلات الموبيلات والاحذية والمدرسين فى المدرستين الاعدادية والابتدائية
والناس الى اخد منهم فلوس فى مشكلة الاوقاف
والناس بتوع الجرارات
والى ضرب شيكات الجلسات العرفية واعطاهم شيكات تانية مزورة
والناس الى قص من تامين الجلسات العرفية واعطاهم التامين ناقص
والناس الى بتبنى وبيروح ياخد منهم فلوس ويقول عشان -----------
والناس الى ساعدهم فى سرقة بقية ارض المدرسة الابتدائية الجديدة
والناس الى كتب فيهم محاضر انهم بيسقوا الجسر من الكولدير-- وخلاهم شالوا كولدير السبيل

والخفر الغلابة الى معاة الى مبهدلهم سواء بالضرب او بيلف على الناس ويشحت على حسهم من الناس الى فى البلد

والناس الى بلغ عليهم امن الدولة
والناس الى بهدلهم ايام الانتخابات وكان بيبلغ عليهم امن الدولة

وكل البلد الى كان بينقل مصلى العيد من مكان لمكان اخر وبيرش ارض المصلى بالمجارى


دى شوية من مشاكلة مع البلد


وما يخفاش عن حد عن مفصول من الجيش لسوء السير والسلوك وتزوير كارنية ضابط
وانة تم فصلة بعد محاكمة تاديبة ومن ثم هروبة من العسكرى الحارس لية
الى جانب القضية الجنائية لضرب----------- بالبلد


اظن انة صعب جدا ان اهالى البلد يقبلو بية عمدة
والوقت الان جة ويا ريت الناس تتعاون وتروح مع بعض لمقابلة مدير الامن

لوضح حد للماساة الى احنا فيها


وشكرا

طبعاً الأمر يهم كل واحد من البلد

لأن فعلاً أنا شخصياً حصل معايا حاجه من الحاجات اللى ذكرها الدكتور وليد مع

العمده

أتمنى أن يتم تغييره برجل صالح يرعى مصالح البلد

السلام عليكم ورحمه وبركاته
اتمنى ان كل واحد فى البلد يروح المديريه يقول لا للفساد انا اول واحده من عائله نجم تقول لا للحاج عبدالرشيد على الرغم انه عمى ولو كان ابويا وراجل فاسد هاقول لا انسى انتهى عهد الاستعباد واستغلال السلطه والنفوز بجد نداء منى ورجاء لازم نتحد احنا شباب كويسين افضل من الشباب اللى قبلنا على الاقل عملنا ثوره لازم نغير البلد وتكون صح نبدا نغير بلدنا للافضل علشان اولادنا يطلعوا يفتخروا بينا يلا ياشباب يارجاله احنا قدها ونختار واحد كويس وانا سبق وايدت الاستاذ هشام ياجماعه فى ناس كويسه لازم تاخد فرصتها وكمان اعضاء المجالس المحليه لازم يكون فى شباب تترشح وتكون غيوره على بلدها وتعمل مصالح للبلد ونداء كمان لازم نقف مع الدكتور زينهم مكاوى الراجل ده بجد عظيم
--------------------------------------------------------------------------------

*كن كالنخيل عن الأحقاد مرتفعاً ترمى بحجر فتسقط أطيب الثمر
*نحن شعب لا تهزنا الجبال العاليه فكيف بورقة كتب عليها هذا شخص فرض علينا
*فوق بحر من اليأس يوجد جسر من الأمل.
*في قمة اليأس توجد فسحة من الأمل.
*لا تحسب المجد تمر أنت آكله لا تنال المجد حتى تلعق الصبرا.
*ألم يحن الوقت لتشرق الشمس التي حجبها ضباب المعاصي؟؟

ربنا يولى علينا من يصلح ويحكم بكتاب الله وسنته ويكون راجل يعرف الله وتقى ومعروف لدينا بالطيبة والعدل ويخاف الله

اه يا بلد
دلوقتي عايزين تغيروا العمدة
طيب مانا نبحت صوتي
وقلت يا هووووووووووووووووه
وما حدش سمعني
*****************
عمدة --------------- طير انت

تم تعديل جزء من المساهمة مع الاعتذار الكامل لأم حبيبة
المدير العام


يعني ايه تقرا الفاتحه فى الاول وبعدين تشتم ده نقاش حول العمده اه دخل ابويا فى الموضوع بابا فى زمه ربنا ومش هاسمح الى اى شخص انه يذكره بسوء حسبى الله فى كل واحد يظلمه ابويا عمل كتير للبلد فى السر والعلن وعمل اللى انت اوغيرك مش يقدر يعمله للبلد خلاص اللى كان بيغير على مصلحه البلد مات وان كان يعرف حد مش كويس وهو عايش بردو كان يعرف ناس كويسه انت تتكلم على شخص عايش ويقدر يرد عليك ياريت سيرت ابويا لا مش هاسمح