التعليم فى الكفر ما بين الانحدار والارتقاء

السلام عليكم ورحمة الله وبركاتة

اى واحد فينا لو نظر للمستوى العلمى للطلاب فى القرية هنلاحظ انة ليس على
المستوى المطلوب الذى نطمح ونرغب ان يكون علية ابنائنا

وهناك العديد من الاسباب المؤدية الى تردى مستوى الطلاب

1- المدارس متكدسة وغير مؤهلة لاستقبال تلك الاعداد الكبيرة من الطلاب
2- ضعف البنية التحتية لتلك المدارس - سواء التعليمية او الخدمية
يعنى الكراسى والتخت متكسرين والاضاءة زفت والحمامات -لا توصف-
والحوش بتاع المدرسة ما يكفيش حتى نلعب ضربات ترجيح - ما ينفعش حتى ملعب خماسى-
وخاصة المدرسة الاعدادى

والبنية التعليمية - زى المكتبة الى اعتقد ما حدش بيدخلها ولا حد بيستعير كتاب منها
وغرفة الكومبيوتر - برضوا لا حد بيدخلها ولا حد بيقعد على كومبيوتر المدرسة
اما الكومبيوتر مش شغال وامال المدرس خايف العيال يبوظوة وفى الاخر الكومبيوتر عهدة علية

وفى النهاية العيال بتروح المدرسة على مضض
وان راحوا المدرسة هتلاقى التحصيل العلمى فى الغالب دون المستوى

وفى النهاية دة معكوس على مستقبل اولادنا ومستقبل مصر

مفيش حد منكم فكر مرة طيب اية الحل

مفيش حد منكم فكر مرة يروح يشوف المدرسة ولا الفصل الى ابنة او اخوة فية

يا جماعة لازم شوية نبص لمدارس البلد

والحل بسيط الا وهو عودة لمجلس الاباء

ولهذه المجالس اهميه كبيره
تضم هذه المجالس جميع اعضاء الهيئه التعليميه في المدرسه واولياء امور التلاميذ
ويتم اختيار رئيس للمجلس من بين الاباء له القدره على القيام بمهته بصوره جيده
ويجيد القراءه والكتابه ويفضل ان يكون معلما او مدرسا او رجل من اصحاب الخبره التربويه

مهمة هذه المجالس هي حل جميع مشاكل التلاميذ
والاتصال باولياء امور التلاميذ لتبليغهم بالمستوى الدراسي للابناء
عن طريق دعوات خاصه يرسلها مدير المدرسه لهم

وانا بطلب من شباب جمعية تطوير القرية انههم يشكلو وفد منهم لمقابلة مدير المدرسة او وكيل المدرسة لمناقشة العودة الى تشكيل مجلس الاباء
وكل الى هما هيعملوة انهم هياخدوا كشوف الاسماء بتعت الطلاب

ومجموعة من شباب الجمعية هتمر على الاهالى فى البيوت وهتتناقش معاهم وهتدعوهم
لعقد اجتماع مع الهيئة التعليمية بالمدرسة
وسيتم تحديد هذا الموعد سلفا مع ادارة المدرسة
والاباء الافاضل الى هيهتموا وهيحضروا الاجتماع سيتم الانتخاب من بينهم مجموعة من الاباء
لتشكيل مجلس الاباء وترشيح احد الاباء الافاضل لتولى رئاسة المجلس

وبالتالى هتكون هناك حلقة وصل بيننا وبين المدرسة
وبالتالى نقدر نحل مشاكل الدرسة اولا باول

وان شاء لما يتكون مجلس الاباء سيكون هناك العديد من الموضوعات
سوف يتم طرحها للنقاش

يمكن يكون دة الحل من وجهة نظرى
ولو حد من شباب المنتدى عندة حلول اخرى
ياريت يشاركنا بيها

الكلام يخى المدارس الاربعة -
مدرسة السلام الابتدائية ومدرسة كفر ابونجم الابتدائية
والمعهد الازهرى بمراحلة التلاتة
والمدرسة الاعدادية


ومعذرة انا احب اوجة سؤال لشباب الجمعية اية اخر اخبار
جمعية الوفاة والنادى بتاع الكفر
قابلتم حد ولا كنتم مشغولين فى الاستفتاء

بسم الله الرحمن الرحيم
تحياتي لك يا دكتور وليد على طرحك المهم والمباشر بخصوص التعليم في البلد
وانا معاك ان المشاكل كتير جدا في المدارس ولكن المشكلة اكبر من مدارس البلد , المشكلة في هرم التعليم في مصر ككل بما كان يحتوي من فساد بالجملة

ولكن ايه الحلول :
انا اعتقد ان الحل ليه شقين :
شق عام وده هيتحقق بفضل الله من فوق بسبب رياح التغيير اللي صنعتها الثورة
أما الشق الثاني فيجب ان نبدأ بيه فورا وكما اقترح الدكتور وليد
1 - تفعيل مجلس الاباء
2 - تفعيل الانشطة التي تشجع الطلبة وتحببهم في المدرسة
3 - يا ريت نعمل ما يشبه ندوات دورية للطلبة في مختلف مراحل التعليم يديرها ناس فاهمه .
4 - ممكن نتبنى مسابقة في المنتدى بين الطلبة ونضع ليها جوائز قيمة تقدم لاوائل طلبة البلد .

والله موضوع جميل وكلامكم مهم جدا
ياريت نلاقي حد ينفذ الكلام ده
مرسي كتير