جمعية الوفاة

السلام عليكم ورحمة الله وبركاتة
كلنا بنسمع
انة من يوم ما تم انشاء الجمعية من 25 سنة والفرد بياخد 600 جنية
على الرغم من تضاعف اعداد المشتركين بالجمعية الى اقل تقدير اربع مرات
--- كلامى ده كلنا بنسمعة وليس كلام اكيد-----------
احنا ما بنشكش حد -- ولا بنخون حد
بس المطلوب الاتى
اولا :- الناس القائمين على الجمعية
يعلنوا يوم الجمعة عن تفاصيل الجمعية
يعنى كام واحد مشترك فى البداية وكام واحد الان وكام واحد خرج
والمفروض اهل المتوفى بياخدوا كام من الفلوس
والباقى بيروح فين

ثانيا :-بعد كل حالة وفاة
يتم اعطاء اهالى المتوفى المبلغ الذى تم جمعة الى جانب صورة من كشوفات
المشتركين بالجمعية وفى اخر الكشف يتم كتابة العدد النهائى للمشتركين
لان تصوير الكشف واعطائة لاهل المتوفى ستحقق الشفافية بين القائمين على الجمعية واهالى البلدة وحتى لا يستطيع اى فرد من البلدة التشكيك فى احدا منهم واستطيع ان الكشوف لن يزيد تكلفة التصوير عن 30 جنية - وسوف يتم خصمهم من المبلغ المستحق لاهل المتوفى

ثالثا :- يتم الاعلان عن المجموعة المختصة بالجمعية
عشان اى حد عندة سؤال يسالهم
ولا يكون هناك مجاال للفتوى والاشاعات بين الناس

واعتقد احنا بكدة حققنا شفافية كاملة بين اهالى البلدة والقائمين على الجمعية

وبرضوا كلنا نقدر الدور الكبير للعاملين على جمعية الوفاة

والسلام عليكم ورحمة الله وبركاتة

احنا ما بنشكش حد -- ولا بنخون حد
بس المطلوب الاتى


موضوووووووع سخن وجاااااامد بس المطلوب ده مطلوب من مين بالظبط ؟؟؟؟؟؟

ومين اللى هيوصل المطلوب ده للناس المطلوب منهم ؟؟؟؟؟؟

وياترى يا دكتور لو انت هنا فى البلد ممكن تروح للناس اللى ماسكه الجمعية وتبلغهم بالمطلوب منهم ؟؟؟؟؟

طبعاً مبادرة جميله جداً منك يا دكتور وليد

وكالعادة تثير المواضيع المهمه فى البلد

أما بالنسبة لموضوع جمعية الوفاه اكتر واحد ممكن يفيدنا عن عدد المشتركين

عم محمد ابو نجم ( البقال ) أبو عمر أنا أعلم إنه عنده كشوف المشتركين فى

الجمعية

وإن شاء الله إدارة المنتدى هتحدد مين بالظبط الناس اللى هتقوم بمتابعة الموضوع

بس فى سؤال للعضو دراكولا ؟؟

كنت أتمنى إنك تقول أنا متبرع بمتابعة الموضوع مثلاً

أو أنا هسأل عن مين المسؤل عن الجمعية

بس مساهمتك وردك ده مش فاهم منه أى حاجه غير النقض وبس

أرجوا التوضيح ؟؟؟؟؟

السلام عليكم ورحمة الله وبركاتة

والمفروض الاشخاص الموكلين بمتابعة اعداد المشتركين وتنفيذ الشفافية
جمعية تنمية القرية
و يقومون باعلان الاشخاص المسؤلين عن الجمعية والتفاصيل كاملة على المنتدى


اية يا شباب فين الردود والمشاركات
ولا انتم راضين بحال البلد كدة
مستنى ردودكم وافكاركم

السلام عليكم ورحمة الله وبركاتة

كده تمام يا استاذ محمد ابو عوض
وننتظر الاخبار

وننتقل للموضوع التانى- الرياضة فى كفر ابونجم المشاكل والحلول