حاجات تغيظ

موضوع: حاجات تغيظ الأحد فبراير 20, 2011 2:14 am

الموضوع ده نقلته لانى لقيته
بيعبر عن شىء بيدور بالفعل فى ذهنى
ياريت تقولوا رايكم
من زمان وانا بلاحظ العملية دي
..
واحد يسأل ويقولى ايه هيا العملية ؟
اقول له ان العملية هيا ...
.........
....
..

الآيات القرآنية في كل مكان (شيء جميل)
..
ولكن
.
.
.
.
.
.
.
. أن يكتب سعيد الفكهاني
(( وفاكهة مما يتخيرون ))

وعم عبده الفرارجي
(( ولحم طير مما يشتهون ))

وسيد بتاع الكشري
(( كلوا واشربوا هنيئا بما أسلفتم في الأيام الخالية ))

وعند افتتاح أي محل
(( إنا فتحنا لك فتحا مبينا ))

وهاني القهوجي كتب على يافطة القهوة
(( وسقاهم ربهم شرابا طهورا ))

مش ناقص بقى غير ييجي بتاع الرقيق يقول
(( وحور عين كأمثال اللؤلؤ المكنون ))

و كل واحد بيستخدم الآيات القرآنية على
مزاجه
..

الحاج سليمان البسطاوي كتب في أعلى صورته
(( ففهمناها سليمان ))
؟؟
ولما سألت هما قصدهم ايه بالآية قالولي ان
الحاج سليمان ربنا فهمه المسألة السياسية ..
الله اكبر يا سبحان الله ايه الجمال ده
!!!

الأخين أحمد وسيد صالح من مرشحي احدى
الدوائر كتبا اعلى صورتهما ايضا
(( وكان أبوهما صالحا ))
!!!
خير ان شاء الله ..

المهم ......
دي حاجة تخنق بجد ...
لأن ...
وانا ماشي في الشارع بقى من كام يوم فوجئت ان
عندنا فيه انتخابات برلمانية في مصر

...
آه والله تخيلوا فيه انتخابات
امتى ؟ وفين؟ مش عارف !
بس عادي بتحصل في احسن الدول !
.
.
المهم ......
.
خدت نفسي ورحت ناحية دائرتنا الانتخابية لقيت
واحد من اللي مرشحين نفسهم عامل مؤتمر
انتخابي قلت يا واد يا فنان يا جديد يا قوى يا غامض خش
واستفيد ...
بس لقيت ..
الحاج محمد ابو الحسن
أكبر تاجر مخـ.... قصدي اكبر تاجر في السوق
شعاره الانتخابي
كله هياكل .. كله هيعيش ..
قووووول يا رب ..
قمت سألته سؤال بسيط .. انت ايه البرنامج
الانتخابي بتاعك يا حاج
(( واعي وناصح من يومي )) ..
ـ رد عليا وقال موال
الكل هياكل .. الكل هيعيش .. قول بس يا رب

ـ يا رب بس انا ما فهمتش برضه انت ناوي علي
ايه للمنطقة والشباب وبرضه كله هياكل وكله
هيعيش وما حدش هيموت من الجوع ؟

ـ المنطقة يا استاذ مش محتاجة مساعدة من حد
بالجهود الذاتية احنا هنقدر نعمل كل اللي احنا
عايزينه وبلاش نحمل الدولة فوق طاقتها ..
ـ وهو المنطقة دي يا حاج مش جزء من الدولة
برضه لازم تصرف عليه وتنميه ..
فجأة وبدون سابق انذار يتجهم وجهه قائلا
:
انت جاي من عند المنافس بتاعي .. انتوا
عايزين مننا ايه .. سيبونا في حالنا .. الناس عايزة
تاكل وتعيش .. امسكوا الواد ده وودوه على
القسم

العبد لله لأنه لحسن الحظ كان قاعد في الصفوف
الخلفية فالبلطجـ ... قصدي الرجالة بتوع الحاج ما
لحقونيش لاني خدتها جري وقلت يا فكيك

فوق صورة الحاج لقيت
انا عرضنا الأمانة على السماوات والأرض ))
والجبال فأبين ان يحملنها وأشفقن منها وحملها
(( الإنسان
مستحيل اللي بيحصل ده .. طب كمل الآية يا حاج
..
كملها وانت تنسحب والله العظيم
(( انه كان ظلوما جهولا ))

الأستاذ (.......) نائبنا الأربع سنوات
الماضية اول مرة اشوفه واعرفه في مؤتمره
الانتخابي بيقول
انا بقالي اربع سنين نائب
عنكم وما عملتش حاجة بس ادوني فرصتي
؟؟!!!!
يا نهار مالوش ملامح .. اربع سنين وعايز فرصة
تانية امال كنت بتعمل ايه في الاربع سنين اللي
فاتوا .. اكيد كنت من النائمين في مجلس النوم ...
كتب أعلى صورته
وقل اعملوا فسيرى الله عملكم ورسوله ))
(( والمؤمنين
طب طبق يا بني آدم
والله العظيم اتخنقت
هي الآيات القرآنية لعبة وأداة في يد من لا يطبقها
ولا يقرأها ولا يعرف معناها
...
أكاد أجزم أن كل من رشح نفسه لا يملك مصحفا
ليضعه في مكتبه .. او في سيارته
ولا حول ولا قوة الا بالله ..
تحولت الآيات القرآنية الى جزء من الدعاية
الانتخابية بدلا من اساس للعقيدة

موضوع: رد: حاجات تغيظ الأحد فبراير 20, 2011 4:59 am

والله فعلا حاجه تفرقع الواحد من كتر الغيظ هما مش عارفين قيمه اللى بيكتبو

مشكور جدا على الموضوع الاكثر من رائع

موضوع: رد: حاجات تغيظ الأحد فبراير 20, 2011 9:39 pm

عندك حق والله حاجه تغيظ
شكراليك يا محمود

حبيت اضفلك حاجة يا أبو طلعت

كنت لقيت (ترزى) كاتب على بابة وكل شئ فصلناة تفصيلا

بجد والله حاجة تجنن الناس بقت بتستهتر بالدين والقران فى كل حاجة حتى فى الكلام فى الحياة العملية - (كبر دماغك - فكك- ساعة لقلبك وساعة لربك) بجد ربنا يسترها

حقا نحن الأن فى زمن الفتن

شكراً لمروركم جميعاً

وشكراً على إضافتك يا Magic

يا ترى دى عقيده عن الناس إنها بتتبارك بالآيات القرءانية

ولا بتضحك على الناس بيها

كلاً حسب نيته

( موضوع جميل )

» حاجة تغيظ !! عبر عن غضبك
» حاجات بنسمعها من البنات واحنا بنعاكسهم وبنفهما غلط .!!!
» عندما تصاب بأى ابتلاء ، لازم تعمل ٣ حاجات .. . .
» بجدهتعرفوا حاجات كتيره عن رمضان مفيده ومهمه جدا على هذا الرابط