بطالب بنداء فوري لشباب أبو نجم

لا بد من تدخل فوري حتى لا تتضرر البلد مره اخرى ولكن بعقل وتأني
يجب ان يخرج مسؤلين البلد وشبابها لمعرفة الوضع ومحاولة منع الاضرار الناتجة عن الشفاط إذا كان سيستمر في عمله امام البلد

السلام عليكم ورحمة الله وبركاتة
مشكلة الشفاط دى مشكلة كبيرة جدا
وان كان لا يوجد سبب واقعى للحفر المتكرر امام القرية فى حين ان الترعة ضيقة ومليئة بالاعشان من بعد القصاصين

وللاسف الكفر وكفر الشيخ عطية والظاهرية والغرابوة المناطق الوحيدة التى تقع تحت مستوى سطح الترعة

والمتضرر فى الوقت الحالى هم اهالى كفر ابونجم
والاضرار كثيرة
البيوت بتقع والزرع مش بينفع
ارجو من الشباب التحرك ومحدش يستنى عمدة ولا غيرة

اول شىء واحد يتبرع ويقوم بحصر المنازل المتضررة ويكتب اسم كل بيت واية الضرر الى حصل لية
واحد تانى يتبرع ويكتب الاضرار الى وقعت على الارضى الزراعية وخاصة الارضى الواقعة بجوار الترعة
سواء الارضى الى بين الترعتين او الارضى الى بجوار الترعة الكبيرة من اول زمام ابومهدية نهاية بارضى عرب البراوى

وهنكتب مذكرة وهنرفعها للرى فى التل الكبير وابوحماد و الزقازيق
و لو ما لاقناش تجاوب فى اقل من اسبوع هنرفع الموضوع لمكتب الوزير فى القاهرة

واليوم ان شاء الله حد يزيع فى البلد ويقول يا جماعة اصحوا عاوزين نوقف الشفاط
وتفهموا الناس اية المطلوب
وكل واحد من اهالى القرية يتبرع باى مبلغ
عشان مصاريف مواصلات الناس الى هتتحرك ومصاريف الفاكسات الى هنرسلها
------------------
عاوزين 5 شباب راجالة تزيع اليوم فى الميكروفون ويتكلم بعد العصر والمغرب والعشاء
ومش تعتمدوا على الناس الى عاملة كبار انجزا البلد هتغرق

باضم صوتي للدكتور وليد ومحتاجين حركة فورية من شباب البلد واوجه دعوه لمشرفي المنتدى الكرام بالقيام بدور فاعل في هذا الموضوع ونحن تحت مركم في اي شيء

نعم يجب بنداء فوري لشباب أبو نجم

الف شكر ليكو كلكو أيو كدة هو دي شباب أبو نجم

شد حيلك يا أبو حسن إحنا عارفين الضغط عليك كبير وإنت وقتك ضيق بس

ربنا معاك إنت والأعضاء الموجودين فى البلد وسمعنا أخبار حلوه

أحنا الكل مع أبو حسن

وانا مع الاستاذ محمد حسن بس امتى نعلن الموضوع اللى كنا بصددة منذ فترة ياباشا وبعدين فى بعض الناس اللى كانوا معانا بداو يتكلموا فى الحوار دة

يلا يا شباب ورونا ان ابو نجم فيها شباب زي اللي كانوا في ميدان التحرير يقدروا يغيروا الواقع الأليم

وانا مع الاستاذ محمد حسن

كلنا مع أبو حسن

وعايزين سرعة

وربنا يوفقكم