نظافة القرية

الله عليك يادكتر كلام جميل وأنا أول واحد هنفذ معاك تسلم علي أفكارك الجميلة

موضوع جميل وفكره حلوه بس قبل ما نزرع شجره فى شارع

نزرع حب الخير
.. شجرة الوفاء .
شجرة الثبات
. شجرة الأنس بالله ..
شحر لابد
تزرعه في قلوبنا


شجر الترابط وحب بلدنا والتعاون وبأمانه هو ده اللى احنا محتاجينه فى البلد

والله فى شباب كتير فى البلد بيحب فعل الخير وعنه وقت كبير

وبعدين الناس بقى عندهم ثقه فى الشباب أكثرمن الأول

يارب كل اللى بنحلم بيه وبنفكر فيه يكون محل تنفيذ

وإن شاء الله إدارة المنتدى هتشوف المتقدمين ونحددهم

ونشوف إزاى نقدر ندعمهم وطريقة التخطيط لهذا المشروع وهذه الفكره

محتاجين أفكار واشخاص وربنا يسهل بالباقي

انا يااستاذ محمد النجار ويامهندس عمر انا مستعد اشتغل لانارة العمدان كلها واشارك فى حملة النظافة بس مين اللى هيجمع الناس ويتفق معاهم وينسق وانا مستعد لاى حاجة وبالنسبة لموضوع التبرعات بتاعت الشهيد اللى حضراتكم طرحتوها مفيش حد طلب منى حاجة ولا طرح الموضوع فى البلد لحد دلوقتى
ومتشكرين يادكتور وليد على الافكار الجميلة بس التنفيذ امتى وازاى

إن شاء الله يا أبو شحاته قريب هنعلن عن أسماء الناس المسؤله عن

جمع التبرعات بخصوص تكريم عائلة الشهيد

وبخصوص نظافة القرية

وأنا بشكرك على تطوعك لإنارة الشوارع وحل مشاكل الكهرباء

بس دلوقتى هنحاول ننسق مع الوحده المحلية للإمداد بمعدات نقل القمامة

من البلد ومن على الجسر ( مدخل البلد )

عندي بعض الاقتراحات في هذا الموضوع أتمني الاستفادة منها
ــ عقد مايشبه مؤتمر شعبي علي مستوي القرية للحديث عن المشروع وأهدافه والتوعيه له ووضعه علي مستوي الاهميه ويتم الدعوة له مسبقا وليكن مثلاً بعد صلاة الجمعه يدعي له مسئولين البلد ورئيس مجلس المدينه أو من ينوب عليه وعدد من الشباب والاهالي وذلك للسماح بأكبر قدر من المشاركة وفتح قنوات اتصال بين الاهالي والجهات المعنيه وايضاً لربط الاهالي بالمشروع
ــ عمل لوحات أرشادية ودعوية تكتب عليها عبارات المحافظه علي البيئه وخطورة التلوث وتأثيره السلبي علي صحة الانسان تعلق في الشوراع الحيويه للقرية وذلك لبيان مدي أهمية الموضوع والفائدة المرجوة منه
ــ عمل برامج توعية في المساجد عن طريق إلقاء الخطب التي تحمل الايات القرانيه والاحاديث الشريفه التي تحث علي النظافه وذلك لتحفيز أكبر عدد ممكن من الاهالي والشباب للتعاون في المشروع ورفع وعيهم البيئي وتدعيم شعورهم بالمسئولية
ــ تصميم برنامج توعيه لربات المنازل وإشراك البنات في التوعية المنزليه لما لهم من قدرة علي الاقناع وبكونهم مسئولين عن موضوع النظافه
ــ عمل برنامج توعيه للطلاب في المدارس وذلك بالتنسيق مع إداراتها يتم من خلالها عقد اجتماعات مع الطلاب من قيل الاخصائي الاجتماعي ومدرسي العلوم يتحدثون فيها عن ماهية البيئه وكيفية الحفاظ عليه
ــ يتم البدء في عمل جمعيه لها مجلس إدارة واعضاء من القيادات الموجوده في البلد وبعض الاهالي والشاب ورجال الدين وبعض طلاب المدارس لضمان تغطيه الموضع علي كافة المستويات ويتم الاعلان عنها للقرية وتكون هي الجهة المعنيه والمسئوله عن النظافه في البلد ويتم عن طريقها جمع مبالغ ماليه شهريه لشراء لوازم عملية النظافه وتكون هي المسئوله أيضا عن أي مخالفات تحدث من قبل الاهالي ويكون لها حق اتخاذ القرارت اللازمه تجاه هذه المخالفات والتعامل معها
ـ لابد أيضاً التنسيق مع المجلس المحلي واخباره بالمشروع وأهدافه ليتم توفير المعدات اللازمه لجمع القمامه من الشوراع مثل وضع صناديق قمامة كبيرة في كل شارع يتم فيها جمع القمامة من البيوت والشوارع لحين مرور السيارة المختصة حتي لا تتكتل القمامة وتشوه منظر القرية
ـ التنبيه علي إنه سوف تكون هناك غرامات علي من يلقي القمامة بالشوارع
ـ عقد مسابقة انظف شارع كل اسبوع يتم الاعلان عنها تضم كل شوارع القريه والشارع الفائز يحصل علي جائزة رمزية تقديريه

معذرة


مؤتمر شعبى !!!!!!!

مسئولين البلد ورئيس مجلس المدينه أو من ينوب عليه !!!!!!!!!

وفتح قنوات اتصال بين الاهالي والجهات المعنيه!!!!!!

عمل لوحات أرشادية ودعوية!!!!!!!!

الشوراع الحيويه للقرية !!!!!!!!
جمع مبالغ ماليه شهريه!!!!!!

التنسيق مع المجلس المحلي واخباره بالمشروع!!!!!



ليتم توفير المعدات اللازمه لجمع القمامه !!!!!!!
السيارات المختصة!!!!!!!
هناك غرامات علي من يلقي القمامة بالشوارع!!!!!!

لاتعليق - انت اما ليس من البلد اما بتتكلمى عن بلد تانية--

الاستاذ وليد انا مش شايفه داعي لاستغرابك من الاقتراحات اللي انا قولتها ده إن مكنش سخريه
دي اقتراحات مطروحه للمناقشه وهو اجتهاد شخصي وهي مش مستحيلة التنفيذ واتعملت فعلا في قري كتير ونجحت
ولو كل واحد يكتب اقتراح حيترد عليه بالشكل ده يبقي محدش حينطق خالص
ياريت لو عندك تعليق مفيد علي اقتراحاتي تقوله وتشرح سبب تعارضك مع الاقتراحات معندكش يبقي السكوت احسن لإن اسلوبك فيه نوع من التريئه
تقبل مروري