الكورة فى الدنيا كلها سيطرة ((( وفى كفر ابو نجم مسخرة)))

انا فى قمة اسفى وحزنى وانا اتحدث فى هذا الموضوع

انظرو كيف اصبح حال لاعبى كفر ابو نجم واصبح حال دورى كفر ابو نجم للاسف شىء لا يعقل خناقات واصابات بالغة كل ذالك داخل ملعب كفر ابو نجم بل واثناء المبارة وللا سف وهم صائمون هذة هى اخلاق لاعبى كفر ابو نجم بل للاسف بلطجية كفر ابو نجم
كل هذا بسبب ان مجموعة من الاشخاص اعتقدو انهم هم المتحكمون فى كل شىء ولا صوت فوق صوتهم وما يفعلونة هو الصح
حتى المجال الى احنا فالحين فية وقولنا هة اهى حاجة لكن مفلحناش فية وقلبناها ساحة للمعركة لاملعب لكرة القدم
ياجماعة على الطلاق بالتلاتة دة لعب وانتو بتلعبو مش خناقة على اكل العيش ولا سبوبة بوظتو سمعة البلد حرام عليكو
اية موقف اللجنة المنظمة للدورى؟ واية رد فعلها؟ واية الحل؟ وهل هتقدر تسيطر على الدورى بعد كدة؟
كل هذة الاسئلة تحتاج الى اجابة
رجاء الى منظمى الدورى((المعركة)) شوفو حل سريع وجزرى للموضوع دة قبل ما يوسع وتبوظ سمعة البلد ذيادة
وتذكر ((( اذا دعتك قدرتك على ظلم الناس فتذكر قدرة اللة عليك)))

موضوع: كلمتين وبس الأحد أغسطس 30, 2009 12:04 pm

الاخ العزيز العنود
تحية لحضرتك
بعد اذنك ممكن توسع صدرك شوية وتسمع او تقراء زى ما احنا بنستنى طلتك البهية علينا و كلامك اللى كلة حكم ومواعظ
اولا
انا بايدك فى معظم كتاباتك وليس كلها انت لما بتدخل توجة كلام بتوجة لمين
و ماتقوليش لاهالى البلد انت تعرف ان معظم اللى فى المنتدى شباب وشباب كورة ملهمش دخل( بجمعية الوفاة والمضيفة وعبد الرشيد وعبد المنعم) وانت تقريبا عارف مين هما اللى مشتركين فى المنتدى بسى الغريبة ان احنا مش عارفين حضرتك مين ودى مش رجولة انا بكتبلك وانت عارف انا مين ولما بوجة انتقاد لحد اكيد هوة عارفني دة( منتدى كفر ابو نجم ) يعنى مش منتدى عالمى او منتدى الشرقية دة تبع ابو نجم والمفروض كل مشتريكية برضو من ابو نجم يعنى( جلالتك من ابو نجم) مش من الصعيد بسى انا الاعضاء عارفينى انما انت مدارى زى اللى عامل عملة
سعادتك كل يوم بتقول حاجات المفروض تتعمل او حاجات مش مظبوطة فى بلدنا انت فين من التعديل
اولا
قولت ان الحاج( احمد ابو سلامة )هو الى عمل الملعب الخماسى يعنى انت مش عارف عشان تعمل ناصح اللى مسؤل عن لم فلوس الملعب الكابتن( عمر نجم ورضا ابو ابراهيم وعبد الغنى و اسماعيل ) وممكن تسال اى حد فيهم ( لو تقدر ) الحاج احمد دفع كام للملعب هتعرف انة زية زى اى حد دفع بل فية ناس دفعت اكتر منة وبرضة كتر خيرة
ثانيا
انت اتكلمت عن( الكمامة او ال الحمد للهالة) اللى فى مدخل البلد وبتقول لسة موجودة وحياة ابوك مدخل البلد بعد الملعب ما اتعمل كان كدة و ياعمى الكيس اللى تلاقية وحش شيلة ما انت ماشلتش حاجة احنا عملنا اللى علينا انت عملت اية
اولا ذعنا فى الجامع الكبير عشان مفيش حد يرمى ا الحمد للهالة فى مدخل البلد تانى واكيد انت اسمعت الازاعة وقلنا لكل الناس اللى بيوتها جنب الملعب واسئال يعنى مش هنقعد غفر وربنا يعلم احنا وغيرنا من اهل البلد عملنا اية عشان نعمل الملعب الخماسى انت عملت اية
ثالثا
معظم كلامك تلقيح واهانة لشباب البرادعة
يعنى البلد كلها محترمة واحنا اللى مش محترمين
ياسيدى انا مش هقولك ان احنا ملايكة بسى مش احنا بس اللى مبوظين سمعة البلد بقلة ادبنا والا ما كنش معظم شباب البلد اصحابنا واكيد انت عارف كدة
موضوع الملعب و التعصب موجود فى كل الدنيا اسئال فى العباسة عاملين اية فى بعض ولسة برنامج احمد شوبير جايب واحد مقتول بسبب دورة رمضان يعنى من كام ساعة مش عندنا بس دة فى الدنيا كلها التعصب والشد والمشاكل موجودة يعنى مش البرادعة اللى موتو الراجل قولت سمو البلد او الدورة باسم البرادعة ياسيدى واللة لو ما البرادعة مكان ملعب خماسى اتعمل ولا ملعب كبير فضل على حالة
كل موضيعك شوفوا حال البلد وانت مش هتشوف معانا ولة لا تعليق
يارجل واللة لو لفيت على بيوتنا و جمعتنا وعرفتنا الحاجات والمعلومات اللى عندك كان حال البلد انعدل بسى شاطر فى النصاحة
يارب الاقى المقالة الجاية فيها انجزاتك وتريخك فى البلد
اسف ان كنت طولت على جنابك
انا برد عليك وانت اكيد عارف انا مين يعنى مش مدارى
ولا مخفى لانى مابخفش ومش لابد فى جحرى ذى الفيران
سلام يا جن

» صدقني لو لفيت الدنيا كلها بطولها و عرضها من شرقها لغربها .
» شاهدوا كليب هتندموا لبهاء سلطان مسخرة على الجزائر
» الشعب يريد اسقاط " بتوع الكورة "
» تحميل برنامج الكورة مع ابو حفيظة تحفة
» الأستاذ ممدوح عباس فى الكورة مع شوبير