روق بالك * خمسة لقلبك

مسطول صدم شرطي وموته فاتصل ب122 وقالهم :انا احب ابلغكم انكم بقيتو 121
******************************
مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: " جوزك ضيع كل فلوسه ع القمار"
قالت له: " إلهي ينشل البعيييد!"
قال لها: " و باع البيت"
قالت له: " إلهي يبيعوا... عنيه!"
قال لها: " و اتجوز عليكي على فكرة"
قال له: " إلهي يدخلوا عليا شايلينه"
الراجل قال: " بس.. خشوا يا شباب
********************
واحدة ست عند جارتها .... قالولها إقعدي تتعشي عندنا ....قالت لأ مش
هينفع عشان بناتي عاملين رجيم وعايزة أدوقه
***************
واحد ياباني شغال في مشروع في قبلي، قام فات على بقالة عشان عايز يشتري
عشر علب بيبسي،
قال لبلادينا: كوميهاني سيبة موفا كالاو بيبسي
بلدينا رد عليه: بتقول إيه؟ عايز عشر علب إيه؟
***********
بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟
************
بلدينا ماشي في جنازة
سأل واحد: هو المرحوم كان بيشتغل إيه؟
قاله : كان تربي
بلدينا قال: سبحان الله ... من حفر حفرة لأخيه وقع فيها
************
واحد صحفي بيسأل بلدينا: نسبة البطالة عندكم قد إيه؟
بلادينا : والله الصعيد كله أبطال.
************
استضافوا واحد بلدياتنا في برنامج الكاميرا في الملعب سألوه بتشجع مين قالهم المقاولين العرب
قالوله بتحب مين في المقاولين العرب قالهم الجماعة بتوع المحارة .
***********
- بلدياتنا فتح محل جواهرجي عمل أول يوم ببلاش ..
********************
واحد وقع في حفرة حدفوله حبل طلع مشنوق .
*******
واحد بيقول لمراته تصدقى جارنا بيقول انه خان مراته مع ستات العمارة كلهم الا واحدة بس؟ قالت له اكيد الولية الرخمة اللى فى الدور الرابع
************
- 3 بلدياتنا بيلعبوا على القهوة واحد قال كش ملك والتاني قال دبش
والثالث راح واخد الكوتشينة وماشى.
************
- الأمريكان والروس بيترسموا على بعض الأمريكان يقولوا احنا أول ناس طلعنا القمر
والروس يقولوا لا أحنا أول ناس طلعنا القمر واحد مصري كان واقف اضايق أوى
قالهم انتوا لما طلعتوا القمر لقيتوا إيه هناك ؟ قالوله طوب ورمل وزلط قالهم احنا اللي مطلعينه
********************************************
- واحده بتقول لجوزها عمرك ماقلتلى كلمه تحسسني إن أنا مرآتك؟ قالها إنتي طالق .
- بلدياتنا مفتاح عربيته ضاع ميكانيكي جه فتحهاله بطفاشه تاني يوم عمل نسخه من الطفاشه .
************
- بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك .
************
- بلدياتنا أشترى تاكسي كل لما حد يقوله تاكسي يقوله أيوه تاكس
************
- بلدياتنا أشترى عربيه هيدروماتك قطع رجله الشمال .
***********
- 2 بلدياتنا بيلعبوا شطرنج فواحد بيقول للثاني أنا قتلتلك الحصان
الثاني قاله طب ثانيه واحدة ... لما رجع قاله وأنا سممتلك كل بهايمك .
*******************************************
- بلدياتنا نزل في محطة الرمل رجله غرزت .
- مسطول بيقول لصاحبه تصدق إن بوش جاي مصر بكره قاله علي الطلاق الأهلي يغلبه 4.
****************************************************
- مسطول ركب العربية بتاعته ملقاش الدركسيون ولا التابلوه ولا الفتيس راح عمل بلاغ في القسم إن العربية اتسرقت بعد شويه اتصل بالقسم قالهم الغوا البلاغ أصل أنا كنت راكب ورا .
************
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه
************
واحده بتدور على شغل في الجرايد فلقت شغلانه ب200 جنيه
فخدت الجرنال و راحت على العنوان
و لما وصلت دخلت على المكتب و لقت واحد قاعد
فسالته انا جايه عشان الوظيفه
فالراجل سالها
انت خريجة ايه
قالت له السن
فقام قال لها :احنا الشغلانه اللي عندنا انك هتلبسي مرات اسد
قامت البنت قالت ايه ده:لا طبعا
الراجل قالها براحتك ده في ناس كتير عايزين الوظيفه دي
قامت البنت فكرت و قالت انا محتاجه ال200 جنيه و قبلت الشغلانه
المهم راحت السيرك و لبست مرات الاسد
و هنا كانت المفجاه
لقت اسد بيقرب عليها و البنت بتصوت
لحد لما وصلها قام حاطط ايده على كتفها و قالها
متخافيش: حسام تجارة القاهره
*******
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع
************
واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين
************
واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة
************
واحد راح يشتري بيتزا فالراجل بتاع البيتزا بيقوله : اقطعه اك أربع قطع ولا تمانية يابيه ؟؟؟؟ ..قام قال له ثمانية .. عشان جعان قوى
************
مدير شركه سجائر مستورده قابل مدير شركه سجائر محليه فقال له ، انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟
******************************************************
مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل
************
واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
************
واحد بخيل جدا ... عنده ثلاث تفاحات ، فتح الاولى لقى فيها دود ... فتح التانية لقى فيها دود ... وصل للثالثة طفا النور و أكلها
************
واحد غبى عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى 500 .......... فمكدبش خبر... وأول ما الدنيا ليلت راح للسرير وبدأ يعد .. واحد .. اثنين .. ولما وصـل للــــ 199 ... جـاه النوم … راح قـيام بسرعة وغـسـل وشه ورجــع للـسـريـر يـكـمـل
************
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل مش حيتعشى
مدرس سأل طالب بلدياتنا، لما تكبر هاتكون إيه؟ قاله: عجوز طبعا!!
************
بلادينا قال لصاحبه: بتشرب قهوة بالليل؟
صاحبه قال له: أنا إذا شربت قهوة بالليل ما أقدرش أنام
بلدينا رد: أنا بقى عكسك، إذا نمت ما أقدرش أشرب قهوة
******************************
واحد بلدينا اتصل بالمطافي وقال لهم: إيه؟ هو يعني لو مافيش حريق
مانشوفكمش خالص كدا؟
************
مرة عيل بيقول لامه هو لية يا ماما انا اسود واخويا ابيض
قالتله والنبى يابنى لو كنت اعتمدت على ابوك لاكنت جبت لا ابيض ولا اسود
****************************************
* التلميذ : بحبك يا ميس و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد
*****
واحد بيقول لخطيبته أنا عاوز أقولك إني مش عندي سيارة ولا يخت ولا عمارة زي محمود صاحبي بس عاوز أقولك إني بحبك قالتله وأنا كمان بحبك بس كلمني اكتر عن محمود
********************************
وحده تسأل زوجها: إذا أنا مت هيحصللك ايه ؟؟
قال لها:أ تجنن!
قالت: يعني مش هتتجوز بعدي؟
قال لها:المجنون يعمل كل حاجه!!
************
بخيل حاطط لوحه عالباب
"ماتضربش الجرس .. كل 5 دقائق أنا هفتح الباب"
*********************************
جمع أحد الحكماء أبناءه وهو في فراشه يحتضر، أعطى احدهم رمح وقال: حاول أن تكسره، فكسره بسهولة..
فأعطاه رمحين، فكسرهما بسهولة.
فأعطاه حزمة، فكسرها بسهولة..فقال الأب لأولاده: ملدام معكم هالثور ..لا خوف عليكم

ههههههههه --جمع أحد الحكماء أبناءه وهو في فراشه يحتضر، أعطى احدهم رمح وقال: حاول أن تكسره، فكسره بسهولة..
فأعطاه رمحين، فكسرهما بسهولة.
فأعطاه حزمة، فكسرها بسهولة..فقال الأب لأولاده: ملدام معكم هالثور ..لا خوف عليكم

بلدينا راح عند القصر الجمهوري وكلم العسكري اللي هناك
قال له: أنا عايز أترشح لرئاسة الجمهورية
قال له العسكري: إنت حمار ولا إيه؟
بلدينا قال له: ليه؟ هو شرط يعني؟؟؟؟

* التلميذ : بحبك يا ميس و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأود



ههههههههههههههههههههههههههههههههههه



حلوه يا حودة

ههههههههههههههههههههههههههههههههههههههههههههههههههههههههههه
ممتاز والله يا حودة من يومك......