بشرى سارة لااهلى وشباب ابو نجم بخصوص مركز الشباب الجديد

السلام عليكم ورحمة الله وبركاتة

بشرى سارة لكل اهالى ابو نجم
وبالاخص شباب ابو نجم

طبعا كلنا سمعنا البشرى اللى اعلنها عمى الاستاذ / محمد ابو اسماعيل
اليوم بعد صلاة الجمعة بخصوص انشاء مركز شباب ابو نجم المطور الجديد
وانا كنت حاضر مكالمة النائب / احمد فؤاد اباظة
وهو بيبلغ عمى الخبر اللى هيسعد كل اهالى ابو نجم وبالاخص الشباب
لان اخيرا وبعد عذاب وجرى من كل المسؤلين عن بلدنا قبل كدة وبالاخص
الاستاذ / نجم عبد الغنى
والاستاذ / محمد اسماعيل
والاستاذ / حسينى عبد العزيز
وابن العباسة المحترم / ابراهيم الدسوقى
ومعظم شباب كفر ابو نجم ومش هقدر اعدهم لانهم كتير

واخيرا هيبقى لينا مركز شباب
مكون من ملعب للكرة و مبنى ادارى على اعلى مستوى
وصور مبنى للملعب وسفلتت الطريق اللى موصل للنادى الجديد
غير الانشطة الاخرى

شكرا لكل اللى تعبوا من اجل ان يصبح لشباب ابو نجم مركز للرياضة
وانشطة اجتماعية وثقافية ودينية
ومليون مبروووووووووووووك لكل اهالى ابو نجم
وقريبا سيبدء العمل فى انشاء هذا الصرح الكبير

مليون مبروك لشباب ابو نجم
اعتقد ان دى نقله كبيرة لابو نجم
نقله رياضيه وثقافيه واجتماعيه راقيه
مليوووووووووووون مبروك يا شباب
معلش يا ميدو اصل انا ما صليتش فى الجامع الكبير
فعايز اعرف مكان النادى الجديد فين

السلام عليكم ورحمة الله وبركاته

الف مبروك يا شباب ابو نجم
واشكر الناس المحترمة اللي سعت علشان تخطي خطوة جادة في الموضوع
بس يا رب متكنش وعود انتخابية بس علشان الانتخابات قربت
بس انا مطمن بدام الكلام جاي من الاستاذ محمد ابو سماعيل لاننا بجد مشفناش منه الا كل خير وبجد الراجل ده يا جماعة بيعمل لمصلحة البلد علشان يطلعها في احسن صورة ربنا يجزيه عنا خير ان شاء الله ويجعل هذا الجهد في ميزان حسناته
انا شايف ان الشباب البلد عليهم مسؤلية كبيرة واعتقد ان الوقت جه علشان يتحملوا المسؤلية
يعني اي مرشح ينزل البلد نقوله بصريح العبارة مش هتاخد صوت واحد الا لما الموضوع ده يتم وخاصة الاعضاء الحاليين اللي في المجلس واللي يقدروا يعملوا حاجة

الف مبروك مرة تانية والله الموفق وهو الهادي الى سواء السبيل

انها بشرى سارة لشباب ابو نجم اكثر منالاهالى الف مبروك لشباب ابو نجم

الله الله خبر جميل يا عم ميدو دايما اخبارك حلو ه ذيك
انا بهنى جميع اهل البلد الكرام وخاصه الرياضيين
وشكر خاص لكل من سعى فى الاجرائات اللى اتعملت بخصوص النادى الجديد

الحمد لله والله خبر جميل يارب يكون قريبا العمل على الحلم

مشكورين جميعا على الردود الطيبة
وبالنسبة لمقر النادى الجديد فى نفس مكان الملعب الحالى

وبشكرك يا ابو سامى على الكلام الجميل وان شاء الله
بالانتخابات او من غيرها الملعب هيخلص
لان القرار طلع خلاص وهى مسالت وقت
لان الموضوع هياخد وقت لحد ما يكمل

شكرا لحضراتكم

شكرا لكل من ساهم في انهاء إجراءات هذا المشروع
ونتمنى من الله ان يتم تنفيذه قريبا وبشكل صحيح
فهو سيكون متنفس رائع لشباب البلدة
ولطالما حلمنا به

السلام عليكم ورحمة الله
ياريت حد يذكر تفاصيل أكتر بخصوص معاد التنفيذ

ياريت يا استاذ عمر حد يذكر تفاصيل أكتر بخصوص معاد التنفيذ

» بشرى سارة لاولياء الامور بابونجم وضواحيها
» بشرى سارة لشباب العباسة
» بشرى سارة لاهالى المنتدى
» بشرى سارة لنساء وفتيات كفر ابو نجم
» بشرى سارة لأهالى كفر أبو نجم الكرام