اعتذار ... وداعا ً اخوانى الاعضاء ...

على لسانى انا العضو محمود ايهاب سلامة ( الدكتور بيدو ) والمشهور على صفحات المنتدى بلقب ( زعيم حركة الفشل بالمنتدى ) :
أقدم أسفى واعتذارى لادارة المنتدى والسادة الكرام اعضاء المنتدى لما اتهمت به زورا باهانتى لجمهور الزمالك وادارته (والله أعلم انى برئ من الكلام دة ) ....
واللى طبعا مكنش المفروض ان اقدم الاعتذار دة خالص لانى مبعتذرش لحد على حاجة ولانى مبغلطش فى حد خالص ...
مع ملاحظة ان فيه اعضاء زملكاوية كتير تسببوا فى اهانات كتيرة للاعضاء الاهلاوية بس للاسف محدش اتكلم ولا عملولهم حاجة ( واهمها الموضوع بتاعى دة )
وشكرا على القرار اللى اخدتوه بشأن حذف عضويتى من المنتدى ... واقسم بالله ان اللى حصل دة كان من عضو تانى غيرى دخل باسمى لانه يعرف الباسوورد الخاصة بىّ وكتب اللى كتبه ده واتهمت انا فيه ...
واخويا المهندس احمد ايهاب اتاكد من الموضوع دة

بنفسه وعرف مين هو الشخص دة وايه اللى خلاه يعمل كدة وبسبب الكلام ده أخويا المهندس احمد هو كمان اخد قرار انه مش هيدخل المنتدى دة تانى

واخيرا ... انا قضيت امتع اوقاتى على المنتدى وسط اصحابى وكل الناس اللى اعرفهم وقد ايه كانت فرحتى لما كنت باشارك بموضوع ولا مساهمة وتعجب باقى الاعضاء ... وقد ايه برضه كان المنتدى هو الحاجة اللى كانت بسلينى كل ما كنت اقعد ع الكمبيوتر ... بس كل دة انتهى خلاص ... ولو ثبت الحق واكتشفت ادارة المنتدى الحقيقة وعرفوا ان مش انا اللى كتب الكلام دة ورجعوا عضويتى فى المنتدى
فانا اسف جدا جدا لانى مش هاشارك تانى فى المنتدى ...

وحاجة كمان ... اخويا المهندس احمد ادانى الباسوورد بتاعه علشان اكتب الكلام دة وشاركنى فى كتابته كمان واستغنى عن الباسوورد لانه قال على حد تعبيره وبالنص ( انا كمان يا محمود مش داخل على المنتدى دة تانى ابدا علشان خاطرك الا لما ترجع انت وبكرامتك والكل يعرف ان مش انت اللى عملت كدة ... ساعتها بس ارجع للمنتدى ... وبعدين مينفعش اخويا تتحذف عضويته وانا افضل فى المنتدى ... انا مستحقش ساعتها انى اكون اخوك الكبير اللى المفروض يدافع عن حقك... و طالما انت مبتدخلش المنتدى .. انا هانسى ان فيه حاجة اسمها منتدى ...)
واكبر دليل على ان انتم مبقتوش تشوفوا له موضوعات خالص

واخيرا ...المنتدى خسر اتنين من انشط الاعضاء وافضلهم واكثرهم احتراما للجميع ... وبشهادة كل الاعضاء
سلام لكل الأعضاء ...
ونشوف وشكم بخير ...
الدكتور بيدو
م / أحمد إيهاب سلامة

الدكتور بيدو انسان محترم
ومينفعش انه تتحزف عضويته من المنتدى
وده فصل معمول فى الدكتور بيدو
ولازم كلنا نطالب باعادة عضوية الدكتور بيدو

بسم الله الرحمن الرحيم
اهم شيء لإدارة المنتدى هو الحفاظ على مبادئ وقواعد المنتدى
وان نجعله في اجمل صورة ممكنة
ونحن لا نعرف اي عضو إلا من خلال اسم الدخول الذي يكتب به مساهمات
ولذلك فكل واحد مسئول تماما عن كلمة السر الخاصه به
وإذا كان هناك شخص سرق منك كلمة السر فهذه مسئوليتك وحدك وليست مسئولية الإدارة
وأسأل الجميع سؤال
هل يقبل أحد ان يقرأ الفاظ خارجة على المنتدى ؟
واعتقد ان جواب الأعضاء المحترمين هو لا
وما حدث هو ان اسم بيدو كتب مساهمه فيها الفاظ بذيئة وتخرج عن اداب المنتدى
وما حدث اننا جمدنا ننشاط هذا الأسم (( بيدو ))
ولم نتعرض مطلقا للشخص فهذا ليس من صلاحياتنا ولا من اختصاصنا
ولماذا كل هذا الغضب
هل نترك هذا الاسم ولو كان مسروق فعلا ليكتب كلام سافل مرة اخرى
ارجوكم حكموا عقولكم
واستخدموا المنطق في التفكير
وانا شخصيا اقدر واحترم أحمد ايهاب واسرته احتراما شديدا
فلا داعي لخلط الأمور
وإذا كان الموضوع كما يقول عبدالرحمن
فليكتب اسم العضو الذي سرق كلمة سره هنا مع اعتذار عن استخدام اسمه للإساءه لبعض الأعضاء
لأنه هو المسئول امامنا عن تسريب كلمة السر
وسوف نتخذ الإجراء المناسب بإذن الله
والله الموفق

مدير عام المنتدى

بسم الله الرحمن الرحيم
احب اقول للجميع ان الدكتور بيدو انسان محترم وميصدرش منه حاجة زى اللى حصل
وكمان فعلا الباسوورد بتاعته انا عرفتها فى الفترة الاخيرة من عضو معين
وانا باطالب بعودة عضوية الدكتور بيدو لانه فعلا لو فضل زى ماهو كدة
المنتدى مش هيخسره لوحده
بل هيخسر معاه المستر احمد لانى اتكلمت معاه واكد لى لنه مش هيدخل تانى على المنتدى
واعتقد اننا لازم نشوف حل
وانا عندى اقتراح هاكتبه فى مساهمة مستقلة بعدين لحل المشكلة دى

ثانيا الدكتور بيدو قرأ تعليق المهندس عمر عبد الحميد
وكان عاوز يكتب تعليق على الكلام دة
وهو دة تعليقه بالنص
( الاستاذ عمر عبد الحميد
بعد التحيه والسلام /
انا قدمت اعتذار موجه لادارة المنتدى عن اللى حصل دة
ولكن حضرتك طلبت طلبين
الاول انى اوجه اعتذار شخصيا للعضو ميدو الرادعى
وانا حالا اوجه ليه اعتذار لما بدر من المسمى ( الدكتور بيدو ) من اهانات او سب لجمهور ونادى الزمالك
الثانى ان حضرتك طلبت معرفة اسم العضو اللى سرق منى الباسوورد
فهو العضو عمر سامى
والباسوورد كانت ( القدس لنا )
واذا كان فعلا هو اللى كتب التعليق اللى اتهمت فيه او مش هو او اى عضو تانى
فيكفينى انى باقسم ليكم ان مش انا اللى كتب التعليق دة
وبعدها اتفاجأ بمعظم اعضاء المنتدى بيقولولى على الباسوورد
وبعدها حصلت الكارثة دى
واخيرا انا واثق ان الحق ان شاء الله هيظهر
والسلام عليكم ورحمة الله وبركاته

بسم الله الرحمن الرحيم
اقول للجميع ان الدكتور بيدو انسان محترم وميعملش حاجة زى اللى حصل وانا اطالب بارجاع عضويته لانه لم يفعل شئ كهذا واكيد واحد عمل فيه فصل لن يطرد بسبب اتهامه بانه شتم الزمالك ولن يطرد من اجل كرة

الدكتور بيدو انسان محترم وكل الاعضاء بتحبه

وانا شخصيا اعرفه لما كان بيطلع مسابقات الشعر مع مدرسته

وكمان لما كنت باجى الكفر علشان احضر الامتحانت المشتركة بين العباسة والكفر

واللى المستر احمد ايهاب كان بيعملها لينا

ودلوقتى لما الاقى المستر والدكتور بيدو بينسحبوا من المنتدى

اعتقد

ان كل الاعضاء اللى دخلوا المنتدى بسبب المستر

لازم يكون لهم وقفة احتجاجية على كدة

وانا اولهم

وانا كملن بانسحب من المنتدى دة ومش هارجع الا لما يرجع الدكتور بيدو

دة الزعيم يا اخوانا ....

يا نهار ابيض كل دة حصل وانا مش موجودة يا خبر

اولا انا بعتذر جداجدا جدا للدكتور بيدو وللمستر احمد ايهاب لانى قصرت فعلا انى مكتبتش كومنت من زمان

وبقول ان الناس دى محترمة جدا وميطلعش منهم اى عيب

ومينفعش الدكتور بيدو يخسر عضويتة ولا المستر اللى لة فضل عليا كبير جدا وعلى نص اللى موجودين فى المنتدى وحقة اننا كلنا نعتذرلة وانا اولهم

بصراحة انا لو فضلت اتكلم من هنا ليوم القيامة مقدرش اعبر عن جزء من فضلة عليا وعلى غيرى

مرة تانية بعتذرلك يا دكتور بيدو انت والمستر احمد

ولكل الزملكاوية المحترمين اللى موجودين فى المنتدى (لا للتعصب)

وتعالوا نفكر ازاى نخلى المنتدى احلى منتدى بوجودكم جميعا

اولا انا معرفشى الموضوع ويا ريت حد يشرح ليا الى حصل لانى بقالى كتير مدخلتش
ثانيا خروج الاستاذ احمد ايهاب وبيدو هيكون خساره كبيره مهما كانت الاسباب الى وصلت الموضوع لكده
وياريت حد يقولى حصل ايه؟؟؟؟؟؟

» اعتذار لاخوتى الاعضاء
» اعتذار لجميع الاعضاء
» اااااااااااااااااه يا اخوانى
» اخوانى واحبابى
» اعتذار منى على زنب ليس منى