لية مش عايزين نتعلم نكون محترمين

لو سمحتم يا جماعة في مساهمه غير منضبطه في قسم البرامج من العضو (فايرفوك.س) ولازم كلكم تشوفوها
https://abou-negm.rigala.net/montada-f5/topic-t292.htm#920
وانا اسف جدا على اسلوب الاعضاء الغير محترمة اللي بتستخدم الفاظ غير لائقة ونادم على انهم سجلوا في المنتدى
ولو منتدانا منتدى عبيط زي العضو (فايرفوك.س) ما بيقول طيب ليه سجلت معانا
طيب يأخي حاول تكون مش عبيط وساهم بمشاركات فعاله وورينا مستواك الفكري ولا حضرتك من هواة الانتقاد الهدام وبس
وياريت كل عضو يحترم نفسه ويستخدم الفاظ تليق بمستوى المنتدى لان فيه أعضاء محترمه بجد ومش عايزين نخسرهم
زي ماخسرنا العضو المحترم أبو الليل
يا جماعة لازم نفهم ان منتدانا بيدخل بيوت كتير في البلد وبيشوفنا ناس كتير من البلد ومن بره البلد
وبيشوفنا اخواتنا واهلينا اللي مسافرين ومتغربين ومش عايزين حد ياخد إنطباع سيء عننا
ومش هاسمح لحد يلوث سمعة منتدانا بألفاظ غير مؤدبة مهما يكون لأننا محترمين
وأي عضو هيخرج عن النص ويحاول يشوه صورتنا هاحذفه فورا وبدون تردد وهاعطي للمشرفين على المنتدى صلاحية حذف الأعضاء المخالفين لقواعد ومبادئ المنتدى
وانا هاخلي مساهمة (فايرفوك.س) مكانها عشان تشهد عليه
وأسف على أن اسلوبي فيه غلظة لأن المساهمات المستهتره دي بتستفزني
وشكرا للأعضاء المحترمين اللي بنتشرف بيهم في منتدانا لأنهم فعلا ثروة الممنتدى ده
والله ولي التوفيق

مدير المنتدى / مهندس عمر عبدالحميد

بعد إذنك يا مهندس عمر انا عايز أعرف دور المشرفين على المنتديات إيه
المفروض لما يشوف أى رد أو موضوع غير لائق على طول يمسحه
ويبعت تحذير للمشترك اللى عمل كده إنه هيمسح عضويته لو عمل كده تانى

وشكراًجزيلاً

» شاهد القنوات المشفرة مجانا
» الإعلان عن مجموعات كأس العالم
» عايزين صور أبو نجم
» تعالو بينا نحلم سوى ..( فوز عالمة أسرائيلية بجائزة نوبل فى الكيمياء ..؟؟؟؟ )
» هيا نتعلم الحب