طرائف تلاميذ أولى ابتدائى

طفل قعد يعيط في تانى يوم من الدراسه جه المدرس وسأله : بتعيط ليه يا حبيبى ؟....قال أنا مش لاقى فصلي ..
قال له المدرس انت سنة كام ياشاطر ؟ ...قال الطفل انا في سنة تانية
اخذه المدرس لفصل سنة تانية ودور على اسمه ومالقاهوش فقال له اسمك مش موجود في سنة تانية .. انت امبارح كنت فين بالظبط ؟
قال الطفل انا امبارح كنت في " سنة اولى " بس النهاردة المفروض ان انا فى سنة تانية..!!! "
(على كيفه .. يعنى 10 ايام كمان ويبقى اتخرج من الجامعة)
ههههههههههههههه "
===================
الثاني مسكين احتاج يروح الحمام وراح له وبالصدفه مر احد المدرسين جنب الحمام وتفاجأ ان فيه ملابس كامله مكومه خارج الحمام من التي شيرت والبنطلون والجزمة والملابس الداخلية والشراب ....
الطفل المسكين بعد ماخرج من الحمام قالوا له ليه عملت كدة يا حبيبى ؟ ....قال انا باعمل كدة لما ادخل الحمام في بيتنا
(اصل الجو عندهم بيبقى صيف على طول ...... تقريبا لاغيين الشتاء من نشرتهم الجوية )
===================
طفل آخر من المستجدين ذهب في وسط الدراسه لفصل اخوه الكبير وقال للاستاذ ممكن اخويا انا عاوزه حالا....ضحك المدرس وقال ضروري ؟ .... قال الطفل ايوة ضروري جدا....
المدرس توقع انه محتاجه علشان يوديه لدورة المياه ... فقال لاخوه اطلع مع أخوك الصغير شوفه عاوز ايه ؟.... ولما طلع قال الطفل لاخوه تعال معايا علشان نروح نلعب .....
( اصل الحكاية فوضى )
===================
مدرس قال لطفل من بتوع سنة أولى شوف يا حبيبى دة كرسيك روح اقعد عليه.... الطالب ما اكتفاش بس بالجلوس ولكنه عند نهاية اليوم الدراسى قعد يجر الكرسى ويحاول يخرج بيه من الفصل ...
جاله المدرس وقاله انت بتعمل ايه ؟؟
قاله مش حضرتك قولتلى ان الكرسى دة بتاعى .. انا بقى هاخده معايا البيت علشان ميضعش
(طيب ما ياخد السبورة بالمرة )
==================

موضوع جميل
ههههههههههه
يا ما عملنا زيهم يا بشمهندس احمد
وانت نسيت
مش اول مرة تهرب فيها من المدرسة كانت اولى ابتداءى
لما نطيت من عالى السور
ان كنت ناسى افكرك
بابا قاللى على الموضوع دة من وراك

طرائف جميلة جدا يا مستر ...
بس ايه دة يا هندسة
دة موضوع الفشل بقى بالوراثة
يعنى الدكتور بيدو مغلطش بقى لما تزعم حركة الفشل بالمنتدى
اذا كان اخوه الكبير بدأ حركة الفشل من اولى ابتدائى
يبقى هو كويس انه استنى لرابعة ابتدائى
من شابه اخوه المستر أحمد ايهاب فما ظلم
ههههههههههههههههههه

» طرائف طلاب اولى ابتدائى
» يوميات طالب فاشل فى رابعة ابتدائى
» يوميات طالب فاشل فى رابعة ابتدائى ( المقدمة )
» يوميات طالب فاشل فى رابعة ابتدائى - الحلقة الاولى - ( عم زنكلونى والجرس)
» سقوط أولى ضحايا الطماطم