يالى ماشيين يكفيكو شر الكمين ؟؟؟؟

انتا يا واد
ايوه يا بيه
ماشى لوحدك بليل ليه
كنت ف شغلى
شغلك ايه
هاتلى بطاقتك
بس ايك كده تفتح بوقك
ماشى يا بيه
وادى بطاقتى
شفت يا بيه
قولى يا واد انتا اسمك ايه
اسمك احمد
ايوه يا بيه
احمد فتحى
ينهار مش فايت يا حلاوتك
احمد فتحى كده على طول
مش خايف وانتا بتقول
وهخاف ليه
من اسمى يا بيه
انا مش مجرم ولا حرامى
ولا سرقت الالف جنيه
انا انسان ومواطن مصرى
مصرى شريف ولا بيه ولا تيه
وكمان انتا ترد عليا
ليله مش فايته يبن الايه
وادى بطاقتك كيف الحال
ليه تقطعها ليه كده امال
انتم ليه بتعزبو فينا
قام راح شاخط
اركب يلا معايا ف الحال
وكمان راح بترد عليا
يبن الووووو؟؟؟؟
يلا خدوووووو؟؟
مش راح تشتم امى احسنلك
امى برقبه مليون زيك
قال بترد عليا كمان
ليلتك طين
اسئل شوفنى هو انا مين
هاتلى يا زفت المحضر دوغرى
اكتب عندك
واحنا ف عز الليل بليل
شفنا المتهم احمد فتحى نص الليل
وف ايدو لفه ف منديل
بنقولو اهلا يجميل
وبنديلو ورده هديه
راح رامى بايدو المنديل
قمنا على المنديل اياه
وفتحناه وكشفناه
ووجدنا حشيشه جوووووواه
اكتب يبنى كمان الاتى
بالكشف على المدعو الاتى
احمد فتحى لاقيناه برضو
كمان متعاطى
خمره وبيره
وبانجو كمان
وماشى ف وسط الناس سكران
اكتب عندك
ان المدعو كان مرتاح
وف تفتيشه وجدنا سلاح
يمكن مدفع ولا طبنجه
لا خليها سلاح او سنجه
كفايه عليه
قولتلى بقا شغلنتك ايه
شغلى!!! قال بس خلاص
اكتب يبنى شغال صايع وف كباريه
هتقول حاجه تانى ف اقولك
ولا كفايه وتشيل حاجه م الاحكام اللى عرضهالك
عجبى بجد هيا حكايه ملهاش حد
ملهاش وقت
مش عارفين ايه اللى بيحصل
ولا عارفين ايه نهايه السد
ربنا يستر على ايامنا
يكفينا شر ايها حد
قولو امين
وياقاعدين يكفيكو شر الكمين

» أنت ليه مش بتمسك إيدي وإحنا ماشيين في الشارع؟
» الشرطة يعد الكمين لسموحة وينتظرسقوط الأبيض/الأهلي في تحدي أمام انبي والزمالك يتأهب لانتصار جديد