انتم زعلانين لية

السلام عليكم ورحمة الله وبركاتة
معلش انا هتكلم باللغة العامية -حتى يتسنى للجمع فهم كلامى--او بالاصح مستوى التعليم بتاعى ميأهلنيش لانى اكتب بالعربية الفصحى زى حضرلتكم
اولا
حضراتكم زعلانين من اية
اية المعلومات الى كتبتها غلط- او ايه المعلومات الى انا اتجنيت بيها على حضراتكم
هى البلد مش كلها مشاكل وسببها معروف لكل الناس سواء الناس الى موجودة بالبلدة او خارج البلدة
انتم مش كنتم بتقولوا ان مفيش صلاة العيد السنة دى عشان--- الباشا بلغ امن الدولة والمطافى على الناس
مش انت بتقولوا ان الباشا عارف ان الجسر بينسرق وواخد فلوس وقافل موبيلة
مش انتم بتقولوا ان الباشا حامى الحما لا بيحل ولا بيربط
والناس كلها عارف ان السيرة الذاتية للباشا زى الزقت

انا كان كل دة صحيح انت خافين لية
ولا انتم بتصدقوا الكلام الى قلتم ليكم قبل كدة انكم ممكن تتحركوا يوم اليامة العصر

تانى حاجة هو التعليم فى البلد فية حاجة تنصف
تانى حاجة احمد ابوجمال زعلان لما قلت الدكتور على نجم معلش يا حمادة نسيتك
يا جماعة من اعلام الكفر اتنين بس على نجم واحمد جمال--متزعلش انا بهزر--وصحصح شوية
تالت حاجة هو الكلام الى قلتة على النادى غلط
مش انتم الى مصورين النادى وفية العيال نايمة وجنبيهم اسبرتية

قبل ما انسى
كلكم بتسالوا انا مين
انا الضمير الى داخل كل واحد فيكم
انا اللسان الى يقدر يصحيكم
لية ما يكونش انا السبب الى تصحوا بية
بلاش يا شباب تاخدوا بنصيحتى وتتحركوا وتاخدوا موقف قوى وتقفوا ضد اللصوص والحرامية
خلاص نبدأ من الاول
ونتحرك بطرق قانونية
اول شىء نعمل كلنا اشتراك بالحزب الوطنى-- - الاستاذ محمد سامى هيقول لا ازاى اعمل كارنية حزب وانا اخوان هنقولة معلش خليها عليك مصلحة البلد اهم من الانتماءات والمهم فى النهاية احنا عاوزين اية
كلة ياخد 10 جنية وصورتين ويروح للحاج محمد اسماعيل
هتلاقوة مستنيكم عشان يعمل ليكم الاشتلراكات
بعد كدة تتحركوا
اول شىء سهل ممكن نعملة ان احنا ناخد النادى ونرممة وبلجهود الذاتية ونعملة حتى مقر للوحدة الحزبية--مقر مؤقت- ونعمل فية اى نشاط وليكن تربيزة تنس طاولة
تانى شىء عن طريق المجلس الشعبى المحلى والاستاذ محمد اسماعيل والاستاذ على عبدالعزيز نقدم طلب للوحدة المحلية بالعباسة عشان نستاجر الارض بتعت المدرسة ونعمل ملعب صغير فيها بدل ما احنا بنكسر طول العصرية فى المدرسة وانلاقى عمك فرج - ربنا يديلة الصحة طالع يجرى ورانا-
اهو كلة الى الان رسمى وما فيش غلط فى حد
تالتا بردة عن طريق الوحدة الحزبية بتقدم لوزارة التضامن الاجنتماعى عشان نعمل اشهار لجمعية الوفاة وبالتالى كل جنية بيندفع فى الاخر بيوصل اهل المتوفى
وشرحة برضة نتقدم بطلب للوحدة المحلية عشان ندرج المضيفة انها تبع الدولة وبالتالى كل الناس ليهم فيها ومحدش يتحكم فينا

مش هو دة المفروض ان احنا نعملة
مش كلام انشا عمال نقول فية وخلاص
انا مش عاوز ارد عليكم عشان مش عاوز البلد تخسر حماسكم

هو المنتدى دة معمول لية
عشان نتكلم وخلاص
ولا عشان نعمل حاجة للبلد
لو عشان نعمل حاجة للبلد خلاص اتحركوا

على فكرة لة الاشتراك 10 جنية كتير هكلم الحاج محمد ابو اسماعيل يخلية خمسة--بهزر احسن تفهموا غلط-
اصحوا وربنا يعنكم
وانت يا امير قوم زاكر حاجة تنفعك بدل ما انت عمال تأمن على كل حاجة وخلاص-
ولا اقللك ربنا يعنك وشىء يفرح لما نلاقى الى زيك وفى سنك عاوز يشارك
لما تروحوا للحاج محمد هتلاقونى معاكم

والسلام عليكم ورحمة الله وبركاتة

وكمان شاعر
يا عم انت غلبت الجامعيين
بس انت زودتها شوية معايا

انا لا انتقد افراد الحزب الوطني واكن لهم كل تقدير واحترام وخاصة الحاج محمد ابو اسماعيل راجل محترم وانا شخصيا احترمه واقدره وانا على استعداد ان اتعاون معاكم في مصلحة البلد بعيد عن الحزبية أو الانتماء لان الدين علمنا كدا وكلنا مسلمين وموحدين ونحن لا نعلم من هو الافضل عند الله
ان اكرمكم عن الله اتقاكم

انا بعتذر لو كنت اسأت الادب معاك
وعلى فكرة انا مبسخنش واتقبل كل وجهات النظر بصدر رحب لاني مقتنع بما انا عليه ان شاء الله واسأل الله ان يقبضني على ذلك .
ولنا في السابقين قدوة

ماشاء الله عليك يا أخ ....
انت فعلا غلبت المثقفين والجامعيين وبتوع القنوات الفضائية وال........

انت فعلا حيرتنى وأثرت فضولى اللى هايقتلنى ....
انت مين .... انت

اما بخصوص ما كتبت ... فلا أخفى عليك انك اعجبنى اسلوبك الرهيب فى المراوغة والسياسة فانت تتكلم بدبلوماسية شديدة بحيث لا يمكن لأحد هذه المرة ان يمسك عليك حاجة ....
تكتب الكلمة او (اللدغة ... ) وتقول بهزر
ولا احد يقدر يعرف بأسلوبك المراوغ انت بتشتم لا بتمدح ولا انت مع مين بالظبط
اخى العزيز كن واضح وصريح ومحدد وعرفنا انت عاوز ايه بالظبط حتى تكتمل الفائدة من هذا المنتدى ... التواصل
واضح انك بتسمع برامج حوارية كتييييييييييييييييييير .. ( طبعا اكيد انت فاهمنى )

ولكن انا اختلف معك فى اسلوب العرض انا اؤمن بالعمل فى النور وتغيير الاوضاع السلبية ومحاربة الفساد كما قلت بالحكمة والموعظة الحسنة وأعلم ان المفسدين فى بلدنا كبروا على ذلك ومن الصعب ان تسلب منهم ما وصلوا اليه بسهولة ... بعضهم بنى مملكته بدافع المصلحة الشخصية لا المصلحة العامة .. وكثير يتعامل بكبر شديد ولا يتغير مع تحديات العصر والزمن ويرفض الطرف الاخر ...
وكثير كثير يعيش حياة سلبية .. يأكل ويشرب وينام ومالوش دعوة بحاجة لانه عاوز يعيش ويربى عياله ..
ومع الاسف ... هو لا يعلم انه بصمته وسلبيته يصنع مستقبل غاية فى السوء لاولاده والاجيال القادمة ...

المهم
الأمل فى الاصلاح وتغيير الواقع فى شباب ابونجم وفى الاجيال القادمة بالتحلى بالعلم والخلق والتمسك بشرع الله وسنة نبيه عليه افضل الصلاة والسلام ... والتفوق والتميز كلا فى مكانه

ولا نسى اهم شىء
الايجابية بداية من البيت والشارع والمدرسة والقرية كلها

واخير وليس اخر
ان الله لا يغير ما بقوم حتى يغيروا ما بأنفسهم

واتمنى لكى عزيزى العضو المتنكر وجميع الاعضاء السداد فى القول وحسن العمل والتوفيق ان شاء الله

وأسف للاطالة
والسلام عليكم

والله انا مستغرب من كلامك مع اني اتكلم بحياديه يا استاذنا هل الحلول الي انت قولتها مقتنع بيها ولا............. بس انا بقول دعونا واخطاء غيرنا وكل واحد يصلح نفسه ويقوم بهمومه

» زعلانين ليه ؟؟؟؟؟؟؟؟
» اين انتم يا مسلمون
» هل انتم من السعداااااء ؟
» اين انتم ايها الاعضاء المحترامين .... ؟؟؟
» رسالة لكل الغائبين عن المنتدى .. اين انتم ؟؟