الحلقة الثانية "مطحون فى التأمين "

زائر

فى البداية أشكركم على ردودكم الجميله

وأقدم لكم الحلقة الثانية من يوميات
المواطن مطحون الغلبان

توقفنا عندما دخل المطحون للممارس . فماذا
قال له الممارس ؟

نظر الممارس إلى مطحون بابتسامه عريضة
وقال له . بتشتكى من أيه . فقال مطحون "من كل حاجه ،كل حاجه فيه بتوجعنى
"

فزادت الابتسامه وكتب الممارس تقريره
بالعرض على الأخصائى مع التوصيه بعمل تحاليل . فنظر إليه مطحون وقال له هو فين الأخصائى ده
؟!

فرد الممارس فى الحجرة اللى جنبى . فذهب
المطحون إلى الحجرة ,فقالت الممرضة سجل على الشباك وهات وصل وتعالى .

فنظر المطحون مندهشا . ورد قائلا
"أنا لسه مسجل وجايب وصل " فقالت الممرضه لازم تسجل تانى وطبعا مطحون
عارف طريق الشباك ووقف فى الصف الطويييييييييييييييييييييل . وسجل
على الشباك وقالت له الموظفة 3 جنيه يأستاذ . فاندهش مطحون وطلع كل
اللى فى جيبه لقاهم 6 جنيه . فقال
للموظفه اتفضلى 3 جنيه . وقال المطحون هو لسه فيه تسجيل تانى
أقصد تالت . فردت الموظفه "ربنا يسهل " ودخل فى انتظار دوره للعرض على الأخصائى
. ودخل للأخصائى .

بص فى وشه الأخصائى وقاله بتاخد علاج أيه
؟ . فرد مطحون مستغربا "أنا مباخدش علاج " فقال الأخصائى : أمال جاى
تعمل أيه ؟ فرد مطحون : جاى أكشف علشان تعبان !! فقال الأخصائى : روح للاستشارى .

فوقف مذهولا : وقال فى نفسه "الله يرحم
الطب اللى كنا بنشوفه فى الأفلام كان فيه سماعة وبالطو أبيض وحقن وحاجات حلوه
"الله يرحم الطب بتاع زمان "" ودخل مطحون
للاستشارى . فقالت الممرضه سجل على الشباك وهات وصل وتعالى فلم يرد مطحون الغلبان
اللى التأمين غلبه أكتر ماهو غلبان .

وراح وقف على الشباك وقالت
الموظفه .هات 2 جنيه يأستاذ . فقال مطحون تانى . فقالت
الموظفه هو النظام كده . والحمد لله أخذ مطحون الوصل ودخل للاستشارى .

فقال له الاستشارى : التحاليل دى أنصحك
تعملها فى معمل تبع التأمين اسمه معمل ............... " بلاش نقول اسمه
" خلى الطابق مستور .

وخرج مطحون من التأمين وهناك العديد من
الأسئله التى تحيره منها

ماهو الفرق بين الممارس والأخصائى
والاستشارى ؟

الدكاتره دول معندهمش سماعات ليه ؟

البالطو الأبيض منعوه ؟

الفلوس اللى هو دفعها . استفاد بيها أيه ؟

ياترى هو كده ارتاح ولا تعب أكتر ؟

كل هذه الأسئله سوف نجيب عليها فى الحلقة
القادمه

تحياتى

زائر

ليه مش فيه حد قرا الحلقة الثانية
عايزين
منتدى للنكت والفكهاهة
منتدى الطرائف والعجائب

شكرا لك يا حمودة على موضوعك الجميل
ويبقى اجمل لو كانت هذه الكلمات من وحى خيالك ...

لكن الناس معظمها مش فاضى .. وانت طبعا واحد منهم ( يعنى عندك مذاكرة كتير .. ربنا يوفقك )
ولودخلت المنتدى بتدخل نقرا الاخبار الجديدة واهم الاحداث وطبعا ما فى اهم من مفاجأت العضو الجديد المسمى ( كفر ابونجم )

» الحلقة الرابعة " مطحون والتعليم "
» الحلقة الخامسة "مطحون والتعليم "
» مطحون فى التامين(الحلقة الاولى)
» مطحون الغلبان فى التامين(الحلقة الثالثة)
» صلي صح ... الحلقة الثانية ...صفة الوضوء الصحيحة