حوار محرج,,,,,,,, لابد من قرائته

يا ريت تقرأوا الكلام ده وانتم مش هتخسرو اى حاجه بل بالعكس هتكسب ثواب كبييييييييييير

بصوا معايا بقى ايه رأيكم فى أحوال المسلمين دلوقتى عجباكم قوى؟

طب تفتكر فيه فايدة و لا مصمم أن ما فيش أمل؟

طب اسألك كام سؤال و معلش ما تضايقش منى؟

لو كنت موجود فى موقف سيدنا موسى لما قال فرعون للسحرة أنه هيعذبهم لو آمنوا برب سيدنا موسى كنت هتعمل إيه؟

لأ طبعا هقول إنى مؤمن بالله و مش هيهمنى فرعون و لا غيره ده الواحد معاه ربنا يخاف من إنسان.

ينفع إنى أكتم إيمانى و ربنا قال أنى ممكن اآمن بيه و معلنش للناس بس المؤمن القوى خير و أحب لله من المؤمن الضعيف و فى كل خير.؟

لو كنت مع الرسول عليه الصلاة و السلام فى غزوة أحد و لقيت الكفار تكاتلوا على الرسول (ص) و العدد بيقل من حواليه طب و بعدين هتعمل إيه؟

بتحبه قوى لدرجة تضحى بروحك عشانه و تنسى كل حاجة تانى؟

الموقف أصعب من مقدرتى و دى حاجة مش بإيدى دى الرهبة اللى بتحكم تصرفات الإنسان

طب آخر سؤال معلش لو كنت من المسلمين الأوائل اللى كانوا بيتعذبوا و يتحاربوا من أهلهم و من كل الناس زى ما بنشوف كده فى فيلم الشيماء و فجر الإسلام هتعمل إيه بقى يا سيدى؟

1)هعمل زى ما بيعملوا فى الفيلم و أفضل أتعذب و أقول أحدٌ أحد لن أصبأ ابدا

2)هعمل زى حنظلة اللى زالت عنه رائحته و أعمل اللى أقدر عليه فى السر و أبقى خدمت الإسلام أكتر

3)بتهيألى أنه صعب شوية أنى أستغنى عن مالى و عزى و ملكى و أعادى أهلى و كمان أرفض أنى أعبد حاجة الناس كلها بتعبد غيرها من زمان

آسف لو طولت عليكو يا ترى كلكم أخدتكم الحماسة زيى و قلتوا أن إجباتكم كلها رقم واحد

أسمحلى أقولك أنك كــــــــــــــداب

آسف بس لو كان ده صح

كنت قدرت تبطل نميمة أو تصلى الصلاة فى ميعادها

أو البنات تتقى الله فى لبسها و الولاد تغض البصر

كام كورس أخدت إنجليزى؟ كمبيوتر؟و نفسك فى كورسات تانى؟ طب أخدت كورس تجويد لمدة أسبوع واحد؟ فكرت تحفظ كل يوم 3 آيات بس و تقدر تخلص القرآن فى خمس سنين بس عرفت تقرأ لغات لكن عرفت تقرأ كتاب الله؟

قادر تقاوم تتفرج على فيديو كليبات فيها مناظر مفيش لفظ محترم ينفع يوصفها.

فكرتى فى شريك حياتك؟

أمور روش ابن ناس و بيشتغل حاجة كويسة و بيموت فيه

فكرت فى شريكة حياتك؟

تكون بتموت فيه و بتسمع كلامى و الأهم أمورة عشان أصحابى فى الفرح يتهبلوا عليها

تفتكروا بعد كل ده و غيره كتير و كل واحد فينا عارف نفسه أكتر من غيره و محدش فينا ملاك ممكن تكون إجاباتنا حقيقية و لا بنكدب و نقول شعارات زى اللى بنقولها ع القدس لينا مليون سنة من غير ما نتحرك

كفاية بقى لو انتوا عايزين تفضلوا كده خليكوا و أبقوا بقى لما تقابلوا الرسول(ص)فى الآخرة قولولوا معلش كانت روبى و نانسى عجرم أقوى منى و كنت بموت فى أحمد السقا و إبتسامة توم كروز و اما تشوف سيدنا عمر بن الخطاب أبقى أبتسم قوىىى و قولوا أنا من أمتك بس أصل الرجالة خلصوا فى الجهاد مش برضو بنقول كده

بتهيألى كلمة <<ما فيش فايدة و الدنيا كده و خلاص هنعمل إيه و إخص ع البلد اللى ما فيهاش شغل و الحكومة هيه السبب يعنى نروح نحرر القدس مننا لروحنا >>

كفاية لغاية كده نبقى مرة إيجابيين عشان حتى فى الآخرة ما يتساقطش لحم وجهك خجلا من الرحمن عشان يبقالك عين تشوف الرسول و تقولوا أشفعلى مش هتخسر حاجة بقالنا كام سنة و احنا زى ما احنا و مكسبناش حاجة ودلوقت ما فيش حاجة نخسرها

تعالوا نتفق نكون إيجابيين مش هنكون أوحش من الكفار اللى ربنا هداهم و لا أفقر من المسلمين لما هاجروا و الأتنين دلوقت يا بختهم يبقى ليه ما نحاولش؟؟

إحنا هنعمل الحاجة اللى ما فيش حد بيعملها و أحنا مضايقين انها متسابة زى ايه؟

علم حد الكمبيوتر آه و الله بجد مش هتخسر من وقتك حاجة بس هتفيده مهما كان صغير مش قدامنا غير اننا نغير روحنا بروحنا

روح الملجأ و شوف جرب يمكن تقدر تعلمهم كمبيوتر أو تذاكر معاهم دروسهم و تفهمهم الوقت قليل بس الثواب كبير

علم الراجل بتاع الخضار اللى جنبك حديث أو حتى شجعه ع الصلاة فى الجامع أعرض عليه تعلمه القراءة و الكتابة ما تضحكش و تقول أوهام لو بصيتلها على أساس أجرك عند الله هتلاقى المرتب كبير

بلاش بدل كل يوم مع أصحابك ع الفيس بوك أو ع القهوة و مخنوق أنك بتصرف كتير أتجمعوا مرة واحدة لمدة ساعة حتى أتبادلوا فيها الآراء فى الدين أو اسمعوا قرآن و حاجات تانى كتير بس أنوى و فكر

موضوع جميل

جزاك الله خيرا

موضوع جميل وفكرة أكثر من رائعة

لكن هل من منفذ ؟؟؟؟؟

» سؤال محرج ... جدا ... جدا ...جدا
» حوار صريح جدا جدا ..حوار جرئ جد جدا
» اعتذااااااااار لابد منـــــــــــــــــــــــــه
» تنويه هام للجميع ؟
» كلمة حق لابد منها