سرك معايا في بير

بسم الله الرحمن الرحيم

أسعد الله مسائكم

أنا متأكد انه في ناس مرت بكده






مالك يا (س ) شكلك مدايق ليه ؟



(س ): لا ابدا مافيش




(ص ): مافيش ازاي ده انت شكلك مضايق خالص




(س): مافيش شوية مشاكل بس .




(ص ): مشاكل ايه كفى الله الشر . ياعم فضفض هترتاح
وما تخافش مش هقول لحد




(س) : طب انا هقولك بس ده سر




(ص): يا عم ما تخافش سرك في بير

(ع) : هو س ماله يا ص متغير اليومين دول ليه ؟




(ص ): متغير ازاي يعني ما هو زي الفل




(ع) : زي الفل ازاي ده شكله مخنوق




(ص ): يا عم قلنا مافيش سيبه في حاله




(ع) : شكلك عارف ومخبي ياعم قول فاكرني هعمل
اعلان باللي انت هتقوله
انا عايز اطمن عليه بس





(ص): طب انا هقولك بس كأنك ما سمعتش حاجة
اصله مأمني ماقلش لحد




(ع): عيب . السر في بير




(ك) : ازيك يا ع اخبارك ؟




(ع): الحمد لله تمام




(ك ): ما تعرفش س مختفي ليه اليومين دول




(ع) : لا ماعرفش




(ك ): غريبة قافل الموبايل ومش بيرد على تليفون البيت




(ع) : ربنا يكون في عونه




(ك ): شكلك عارف في ايه ومخبي




(ع) : لا ابدا شوية مشاكل بس




(ك ): ليه بس ايه اللي حصل





(ع) : انت اتخضيت كده ليه




طب بص انا هقولك علشان ما تقلقش بس كأنك ما سمعتش حاجة




(ك) : عيب ما تقولش كده السر في بير
وبعدها بأيام يكتشف أخونا س ان سره اتوزع على ابار البلد كلها

يااااااااه موضوع حفظ الأسرار ده نعمة عظيمة جداااااااااا لايتمتع بها كل الأشخاص
وتحتاج إلى قوة صبر وتحمل كبيرة جداااا وتحتاج إلى قوة تحكم فى النفس واللسان يصعب أن يمتلكها أى شخص .

اللهم أجعلنا ممن يحسنون الإستماع إلى أسرار غيرهم فيحفظوها ولا يتحدثون عنها حتى مع أنفسهم وقوينا على تحمل مشقة حفظ الأسرار وأنصرنا على ذلات ألسنتنا حتى نكون جديرين بثقة الغير فينا .(( اللهم آآآمين ))

إذا لم تكن تستطيع ان تحمل سرك في صدرك فلا اعتقد ان شخصا اخر سيفعل ذلك من أجلك
وإن كان ولا بد من البوح فاختار شخصا تثق فيه مثل ثقتك في نفسك فإن وجدته فانت محظوظ