خبر عااااااااجل اهــــم اخــبـار ابـــــو نـــــجــم

والله عندك حق يا ابو دنبا
موضوع لابد من النقاش فيه

شكرا على الاخبار الجميلة اللى خلتنا نعرف اخبار البلد واحنا بره البلد وياريت توافينا بالمزيد من الأحداث أول بأول


بس احنا مش عارفين المشكلة فى السوق ؟ ولا فى فلوس الجامع الكبير اللى مش هتكمل غير بعد 5 سنين ؟ ولا فى ايميلات العيال اللى بتنسرق ؟ ولا المشكلة فى الناس ؟ ولا فيا انا ؟؟ حد يجاوبنى لو سمحتم .

مرحبا بك ياعمدة وسط اخوانك ولكن المشكلة مش فيك المشكلة في الكل

(( إن الله لا يغير ما بقوم حتى يغيروا ما بأنفسهم))

فعلا دى مشكله كبيرة وخسارة كبيرة للبلد إن السوق يقف
لكن إحنا لازم ندور على أسباب المشكلة ونحلها

فمثلا من أسباب عدم ذهاب الناس لسوق الثلاثاء إنهم بيقولوا إن الاسعار مرتفعه وإن السعر بيكون واحد عند كل البياعين لان عددهم قليل ده غير إن السوق مش موجود فيه كل حاجه الناس عايزاها من الخضار والفاكهة ..........الخ بعكس سوق الخميس الى موجود فيه كل حاجه والبياعين عددهم كبير علشان كده بيكون فى إختلاف فى الأسعار من بياع للتانى وفيه الغالى والرخيص.
مشكله ذى دى لازم يكون ليها حل علشان نجذب الناس لسوق الثلاثاء من تانى وخصوصا ان الشتاء داخل والسوق هنا هيكون أفضل من سوق الخميس.

كل يوم return to allah

يثبت لنا انه عقليه فذه وجامده

فعلا عشان نقدر نحل اى مشكله لا بد وان نتعرف على اسبابها

ولقد ذكر الاسباب وهى :

*/عدم وجود معظم السلع

*/ارتفاع الاسعار

فاذا اردنا الحل فلنعالج هذه الممشكلات اولا كالاتى :

*/زيادة عدد البياعين وتوفير السلع الناقصه ولو هيوفرها شباب البلد فتره مؤقته

*/تساوى الاسعار مع الاسواق الاخرى والمختلفه

وربنا يسهل

شكرا علي المرور والتفاعل الجميل

وان شاء الله نشوف حل وارجو من الله ان السوق يدوم في البلد والله الموفق

هي كده البلد ؟؟؟؟؟؟؟؟؟؟؟ مش هتتغير الا لو غيرو من انفسهم


(( إن الله لا يغير ما بقوم حتى يغيروا ما بأنفسهم))

بعد إذنكم ليا إقتراح بسيط وإن شاء الله هيكون مؤثر

فى بعض القرى المجاوره وبعض قرى المركز لا يوجد عندهم علم بالسوق فبقترح لو يطبع ورق فيه دعوى لتجار الخضار والفاكهه وجميع السلع الاستهلاكية لحضور سوق كفر أبو نجم يوم الثلاثاء وأى حد يكون نازل أى قرية مش لازم يروح مخصوص ولو ان ده المفروض لكن لو راح قدراً يحاول يوزع الورق ده فى القرية اللى موجود فيها او لو كان له صديق فى القرية دى يوكله بتوزيع اوراق الدعوى مثلا بعد الصلوات أمام المساجد وأهم هذه القرى القرى الزراعية مثل خط الجبل والملاك وخط القطاوية والاسدية

وإن شاء الله يكون فيه الفائده الكبيره

اقتراح رائع من الاستاذ محمد النجار


فهل من منفذ ؟

فكرة رائعة وبكده يبقى قطعنا نصف الطريق لحل المشكلة وهو الاعلان عن سوق كفر أبونجم فى البلاد المجاورة ودى طبعا مهمة أعضاء المنتدى الكرااااام
لان المنتدى لازم يكون ليه دور فعلى داخل المجتمع وميكنش مجرد التقاء لوجهات النظر فحسب بل يتخطى الدور ده ويقوم بدور المنفذ لوجهات النظر دى بالطرق المختلفة لكى يعلن عن وجوده كمؤسسة لها دور مؤثر وفعال داخل البلد مثل باقى المؤسسات.

يعنى ممكن الاعضاء الأفاضل يجتمعوا مع بعض ويقترحوا صيغة الاعلان المراد توزيعه ويتم الاتفاق فيما بينهم على الادوار المراد تنفيذها وتوزيعها على أنفسهم كل حسب ظروفه وسنه.

فمثلا **يتم جمع مبلغ معين من المال من الأعضاء الأفاضل لطبع الاعلانات ومصاريف الدعاية.

**يتم أختيار مجموعه من الاعضاء يقومون بتوزيع الاعلانات داخل البلاد المختلفه ويا سلام لو قاموا بمقابله التجار داخل تلك البلاد واتفقوا معهم على مجيئهم للسوق.

**وبعد كده يأتى دور أعضاء المنتدى فى السوق وهو القوف بجانب التجار الجددحتى يتمكنو من معرفة أماكنهم وأماكن وضع بضائعهم لحين استقرار كل منهم فى مكانه كنوع من زرع الثقه بداخلهم تجاه شباب كفر أبونجم وسوق كفر أبونجم ومن أجل إستقطابهم للسوق مرة أخرى

وأنا معاك فى الرأى يا شيخ محمد فى فكرة ذهاب وفد من المراقبين لجمعية شباب وتطوير أبونجم لتوحيد الجهود والبدء فى تنفيذ الافكار معا وأنا أعتقد أن المسؤلين عن الجمعية سوف يسعدوا بهذا الانظمام .
لكن لابد من سرعة التنفيذ حتى لا يتم وضع المشكلة داخل درج (فوت علينا بكرة ياسيد) لان بكره مش هيستنى سيد ومن المحتمل إن مشروع السوق ده يتوقف. وكمان لازم الشباب صغار السن أمثال إسلام حسانين ومحمود رضا وأحمد حمدى .........الخ يكون ليهم دور فعال لان الشباب دول شعلة نشاط وهما الأمل القادم ووالله لو طلب منهم تنفيذ أى مهمة لسوف يقومون بتنفيذها على أكمل وجه.
وطبعا ماننساش باقى الأعضاء اللى بيزورونا كل سنة مرة حتى لوهما مابيدخلوش على المنتدى اليومين دول إحنا أكيد نعرف الكثير منهم كل واحد فينا يعرف حد منهم يذهب إليه ويخبره بما يحدث ويطلب منه الوقوف بجانب شباب البلد بصفته واحد من أهلها ويعيش على أرضها

يا اخوانى الاعزاء

أـنا شايف ان كل أفكاركم جميلة وممتازة

ولكن المشكلة فى أهل البلد نفسهم اللى مش عاوزين يتعاونوا مع مجهودات الشباب

مهما كان السوق لسة صغير .. والبضاعة اللى فيه على مستوى محدود

لكن مع مرور الوقت وزيادة اعداد المستهلكين

هيزداد اعداد البائعين وهتزداد

كفاءة السلع المعروضة وهتقل الاسعار بالتبعية .....

ومن ضمن الاقتراحات اللى باقترحها للنهوض بموضوع السوق

اننا نعمل دعاية للسوق فى القرى المجاورة زى ما تفضل اخويا الاستاذ محمد النجار ( ابو براء

بذكره ، واخص بالذكر العرب وابو ندى وكفر الشيخ عطية والغرابوة ..والظاهرية ... وباضيف عليه اننا لو وفرنا وسيلة لنقل

هنضمن مجئ اعداد كبيرة من المستهلكين

ارجو ان الفكرة تعرض للنقاش

وان شاء الله نلاقى حلول لمشروع السوق النهوض بيه

والله المستعان

وكمان حل قدمه اخى العزيز الغالى استاذى المهندس /احمد ايهاب

وهو :

توفير وسائل مواصلات لاهالى القرى المجاورة

عشان يرتاحوا فى الذهاب والاياب

حل جميل وإقتراح هائل اللى قدمة الأستاذ أحمد إيهاب لكن فى حاجه أكيد معظمنا مايعرفهاش ومش واخد باله منها وهى إن الغرابوة ليها سوق خاص بيها يوم الجمعه والظاهريه ليها سوقها يوم الاحد وكفر الشيخ عطيه ليها سوقها يوم الثلاثاء .
ازاى الناس فى البلاد دى هيسيبوا السوق بتاع بلدهم وييجوا السوق بتاع كفر أبو نجم أكيد هيكون صعب .
لكن أقتراح الأستاذ أحمد إيهاب ممكن يخلينا نكمل النص التانى من الطريق لحل المشكله وهو الاعلان عن السوق داخل اليلد نفسها إحنا أولى الناس بيه لازم المستهلكين يكونوا من داخل كفر أبونجم لان البلد كبيرة وعدد سكانها كبير.

كل واحد فينا أكيد ليه أم ربنا يديها الصحه أو ليه زوجه أو أخت أو خاله أو عمه أو جارة ، دور كل واحد فينا بقى انه يحاول يقنع الناس دى إنهم يروحو ا سوق الثلاثاء مش الخميس بأى وسيله ممكنه ويحاول يفهمهم انهم بذهابهم لسوق الخميس بيعلنوا فشل سوق الثلاثاء وبيثبتوا فشل المشروع كما قال بعض الناس من قبل . نحاول نخلى كل الناس القريبين منا يروحوا سوق الخميس حتى لو هيشتروا عيش وطعمية علشان نشجع التجار إنهم ييجوا السوق مرة تانية
أصل مش معقول كل بلد بتدافع عن السوق بتاعها وإحنا بنفرط فيه كده بسهولة

وياريت يكون فى تنفيذ فعلى للإقتراحات دى
إحنا قولنا أكتر من إقتراح ممكن يتعمل ومفيش ولا خطوة اتنفذت