طريقة صنع تكييف منزلي ,, سهلة جدا

بسم الله الرحمن الرحيم
لو مخنوق م الحر وعايز تكييف , ممكن تعمل تكييف بدون ما تروح تشتري بمبلغ وقدره .
الطريقة سهلة جدا وبصراحة الموضوع عجبني لذلك حبيت انقله ليكم وقبل ما نشوف الفيديو انا هاشرح الطريقة لان الفيديو مش مترجم .
**********************
بسم الله الرحمن الرحيم
أولا الأدوات المطلوبة .
1 - مروحة مكتب " أي نوع "
طريقة صنع تكييف منزلي ,, سهلة جدا 699c759d8448c04122d504e70eec409b

طريقة صنع تكييف منزلي ,, سهلة جدا 699c759d8448c04122d504e70eec409b

2 - خرطوم شفاف صغير زي ده بس بدون الحتتين اللي في الاطراف
طريقة صنع تكييف منزلي ,, سهلة جدا Suction_connecting_tube_Sales_

3- ماسورة نحاس بطول 3 متر تقريبا ودي بتتباع عند بتوع قطع غيار التلاجات
طريقة صنع تكييف منزلي ,, سهلة جدا -_A154453-20060315102309

4 - كلبسات بلاستيك للتثبيت زي دي
طريقة صنع تكييف منزلي ,, سهلة جدا Wht_Zip_Ties_300x300

ودي بتتباع في أي مكان وممكن نستبدله باي شيء للتثبيت

5 - مضخة ماء " اي مضخة ماء زي بتاعة التكييف الصحراوي او من عند بتاع سمك الزينة

6 -اي وعاء كبير نحط فية مية متلجة ومعاها شوية ملح

7 - جيب المقص بتاعكو بس اوعي يبوظ

ثانيا الخطوات :
1 - لف الماسورة النحاس على شبكة المروحة من بره دواير حلزونية وثبتها بالكلبسات زي ما هتشوف في الفيديو

2 - اقطع الخرطوم البلاستيك نصين هات نص و اشبك طرفه في طرف الماسورة اللي انت لفيتها قبل كده
وطرفه التاني اشبكه في فتحة المضخةاللي بيطلع منها الميه

3 - هات نص الخرطوم التاني واشبكه في طرف الماسورة التاني وخلي فتحته التانيه في الوعاء اللي فيه ميه ساقعه

4 - بس كده , شغل المضخة , الطرنبة " وشوف اللي هيحصل .

ثالثا التفسير :

الماء المالح بيحتفظ بالبرودة مده طويلة , والنحاس برضو بيحتفظ بالبرودة
كل اللي هيحصل ان المضخة هتسحب ميه باردة من الوعاء الكبير وتدفعها عبر الماسورة النحاس فتبردها وبعدين الميه هترجع للوعاء تاني عشان تتبرد وهكذا نكون صنعنا دورة للماء تمر عبر المضخة والماسورة النحاس .
طبعا الماسورة النحاس قدام المروحة والمروحة بتدفع الهواء هيعدي ع الماسورة يتبرد ويجيلك هواء بارد زي التكييف والكلام ده عملي ومجرب ووكن خلال 10 دقائق يبرد غرفة عادية ويحافظ على برودتها..

وطبعا كل اللي هاتخسرو مبلغ تافه جدا مقارنة بسعر التكييف .

رابعا : هذا الفيديو يوضح التنفيذ العملي لما سبق

الله عليك يا هندسة يا مكيف المنتدى يا مهيب الركن يا جامد

تسلملى ها الايادى اللى كتبت هدى الكلمات

مشكوووووووووووووووووووووووووووووور

فكرة جميلة يا هندسة
لكن لي تعليق بسيط
هو أن هذا يصلح للمناطق الجافة فقط مثل الصعيد ، أما بلادنا فهي تعاني من الرطوبة
ونظام التبريد بالماء لا يصلح للمناطق اللي فيها رطوبة ، فقط يصلح للمناطق الجافة
شكراً على اهتمامك بتخفيف الحرارة ، أسأل الله أن يرطب قلوبنا بذكره .
أخوكم / محمد مصطفى
أبو عبدالرحمن

فكره متميزة وسهله جزاك الله خيرا

شكرا لردك يا ابو عبدالرحمن ولكن هذا الجهاز يستخدم الماء داخل الانابيب فقط ولا يتم تبخيرها في الهواء مثل المكيفات الصحراوية ولكنه يستخدم الماء فقط في نقل البروده إلى المواسير النحاسية التي يمر من خلالها هواء المروحة فيبرد الهواء ويلطف الجو تماما مثل فكرة مكيفات الفريون وبالتالي فهو يصلح للمناطق الجافة والرطبة

» طريقة سهلة لختم القرآن في رمضان :
» طريقة سهلة لختم القران الكريم كل أسبوع وخاصة في شهر رمضان المقبل
» طرق سهلة لعلاج حب الشباب "
» فزورة سهلة بس للاذكياء فقط...
» طرق سهلة ومفيدة للمذاكرة