يوم 10 رمضان احتفال بالنصر ومفيش مسيرة

الايفينت المعمول على الفيس بوك بمسيرة يوم 10 رمضان قال اييييه "لتذكير الجيش بمهمته" ده اللي عامله تحريات عسكرية وش عمرهم ما يبقوا بتوع التحرير ابدااااااااا يعنى بالعقل كده مين الاهبل اللى يطلع بمسيرة يعترض على نفسه انه انتصر على عدوه؟ ايه العته ده؟ ويعني ايه نفكر الجيش بمهمته؟ وبعدين لو حد رخم حابب يتذاكى يعمل ايفينت مثلا لوقفة قدام السفارة الاسرائيلية "ما هو اى حشد والسلام" وهما عاوزين زيطة وخلاص وتبقى اسمها اننا رايحين نذلهم ونفكرهم اننا انتصرنا عليهم لكن بما ان مفييييييييييش حشد وانا متأكدة من اللى بقولة يبقى هنقعد فى البيت .. هنقعد نتفرج على الافلام بتاعة الحرب ونسمع وردة وهى بتقول وانا على الربابة بغنى ونحتفل بنصر المصريين على اسرائيل بصراحة انا حاسة انى لسه موصلتش المعلومة واللى اقصدة ببساطة خاااااالص فى حد عاوز يوقع ما بيننا وبين الجيش فراح عامل دعوة لمسيرة يوم 10 رمضان وكأننا خارجين نتطاول على نصر الجيش بتاعنا فى اليوم دا ونقلل من قيمتة .. نقلل من قيمة النصر اللى ماحيليتناش غيره واللى عشنا على حسه طول سنين الهم اللى فاتت .. النصر دا اللى هو اعز واغلى حاجة على الشعب قبل الجيش والله (((وصيتى ليكم))) يوم 10 رمضان حتفطر مع الست الحاجة بقى.. وكنوا شوية في البيت.. اليوم ده بالذات حنكن كلنا في البيت، لان اي نزول في اطار الاحتقان اللي بينا وبين الجيش ده حيتم الترويج له على اننا بنتطاول على نصر المصريين واعز واغلى حاجة عندهم على مدى القرن العشرين كله زى ما قولت قبل كده .. ياااارب يكون حد فهم قصدى لانى حاسة انى معرفتش اوصل اللى اقصدة