شوفو الاتنين دول بيحبو بعض ازاى_بس من غير حسد

الخطيب : بحبك ( يا بااااااي )

الخطيبة : وانا كمان ( داهيه تاخدك )
الخطيب : طول اليل وانا منمتش سهران بفكر (انى ازاى هخليكى تغورى من وشى )

الخطيبة : يا حبيبي وانا كمان ما بطلتش تفكير فيك (واقول الهي اصبح الصبح الاقي وشك بقى قفاك )
الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك بكلمتين )
الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله ده خطيب على متفرج)
الخطيب :عندى ليكو خبر حلو عايز افرجكو ع الشقه الجديده ( الهي ما توعوا تشوفوها )

الحماة : الف مبروك يا حبيبي ( ياما جاب الغراب لامه )
الخطيبة :طالما انت ال مختارها يبقى مش محتاجين نتفرج عليها (عشان اكيد قد الحق وفي منطقه معفنه )
الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمى ال مستحمل قرفك انتى وبنتك )

الحماة : وماله يابني بس مش لسه بدري ( جتك نيله مستعجل علي ايه )
الخطيب : ما هو خلاص يا حماتي احنا قربنا ( يا رب ترفض علشان افركش ام الجوازه دي )

الحماة : طيب يابني لما يجي عمك حاقوله ( يشوفلنا حل نخلص بيه من الجوازه دى)
الخطيب : طيب يا حماتي كان نفسى اقعد بس مضطر امشي دلوقتي ( عشان اتخنقت منك انتى وبنتك)
الحماة : ماهو لسه بدري يابنى (قاعد بقالك ساعه كأنك كنت قاعد على قلبى )
الخطيب : كلميني في التليفون ( يا رب يقطعوا الحراره )
الخطيبة : اكيد يا حبيبي ( متغور بقي )

» عارفين لية المصريين بيحبو الكشرى؟؟؟؟؟
» شوفو اخر صنع موبيل
» شوفو رئى الصعايدة فى مصر
» شوفو التخلف
» شوفو حال كفر ابو نجم واللة حرام