الغاز اسلامية ...اختبر معلوماتك الدينية

ارحب بكم اخواني وأخواتي في هذه اللعبة التى أحببت أن أطرحها عليكم
على امل ان تنال اعجابكم ..

اللعبه باختصار شديد... عباره عن لعبة الغاز في المعلومات الاسلامية
اعتقد ان الفكره واضحه وا شاء الله تكون سهلة على الكل

وقوانينها كالتالي:

- العضو اللي يجاوب على السؤال هو اللي ليه الحق بس انه يكتب السؤال الجديد
وإذا كان غير متأكد من مدى صحة الجواب فيتأكد أولا من كاتب السؤال بعدها يحط سؤاله (يتأكد الاول وبعدين يحط سؤاله)
واذا مكنش عنده سؤال يكتب انه معندهوش سؤال يترك المجال لغيره علشان يطرح سؤال جديد

2- يحق للعضو كتابة سؤال واحد في كل مرهيجاوب على السؤال السابق

يرجى عدم تحويل الموضوع الى سوالف

السؤال يكون في حدود المعلومات الاسلامية ...

يعني بلاش نتطرق لمعلومات عامه

- يفضل وضع اسئله اجوبتها قصيرة .... وبعيدة عن مجال الافتاء

- يحق للعضو اللى بيحط السؤال انه يختار عضو معين للاجابه على سؤاله وفى حالة ان العضو اللى تم اختياره معرفش الاجابه يدخل يعتذر وتصبح الساحة فاضية لاى عضو ايا كان للاجابة
واذا تم وضع السوال مع عدم تحديد عضو للاجابة يحق لاى عضو الاجابة مباشرة

اتمنى من كل الاعضاء المشاركه في الموضوع والتفاعل

وانا عن نفسى هأقص الشريط وهأحط أول سؤال

من هو الصحابى الذى أطلق عليه حب حب رسول الله صلى الله عليه وسلم

جاوب يا مهندس عمر ؟؟

ايه يا هندسة السؤال صعب ؟؟؟؟؟؟؟؟؟؟؟؟؟؟

السلام عليكم ورحمة الله وبركاته
اسف لتأخر الإجابة نظرا لاني لم أر المسابقة إلا الأن
وحب رسول الله طبعا هو زيد بن حارثة رضي الله عنه
وكان يسمى قبل بعثة النبي صلى الله عليه وسلم زيد بن محمد

شكرا لك أخى الأكبر المهندس عمر
اجابتك رائعة
فعلا حب رسول الله هو سيدنا زيد بن حارثة
اما سؤالى كان عن حب حب رسول الله
وهو ابنه سيدنا أسامة بن زيد بن حارثة
ودلوقتى
رجاء تضع سؤال
واما تختار عضو معين للاجابة عليه
او تترك حرية الاجابة لاى عضو دون تحديد
وشكرا لمشاركتك ودة طبعا المتوقع من المدير
صح يا مدير ؟؟؟؟؟؟؟

صح يا مهندس
والسؤال هو
من هو الصحابي الذي شرب دم الرسول صلى الله عليه وسلم ؟
وأوجه السؤال احمد علي عبدالعزيز
وأؤكد احمد علي وليس احمد جوجل ؟
منتظر الإجابة

واضح يا مهندس عمر ان العضو أحمد على عبد العزيز
ممكن ميكنش شاف السؤال
فهل تسمح لى بالاجابة على سؤالك
منتظر الرد

ازيك يا ابن عمي
اخبارك ايه يا إسلام
ممكن تجاوب طبعا

ازيك يا مهندس عمر
والله انت واحشنى جامد
وشكرا ان حضرتك اعطتنى فرصة الاجابة
والاجابة هى :
سيدنا عبد الله بن الزبير بن العوام
ابن السيدة اسماء بنت ابى بكر

ارجو التعليق على الاجابة
وشكرا

السلام عليكم جميعا

اولا -واحشني كتير يا مهندسنا واتمنا اشوفك قريب

ثانيا -انا اصلا مش عارف اجابه السوال فقلت استن
شويه افكر فيه وبعد كده اجيبه من جوجل او من
اي حد عارف بحيث اجابته تثبت في دماغي
وبكده اكون استفدت من السوال بس
العضو اسلام سبقني
يلا حصل خير
والاجابه زي ماقال (عبد الله بن الزبير)ا

والسلام عليكم

اعتذارى للعضو احمد على عبد العزيز لانى سبقته فى الاجابة
وعموما انا وانت واحد ......... ولا أيه ؟؟؟؟؟
ههههههههههههههههههههه
اما دلوقتى فسؤالى هو

من هى الزوجة الثانية لرسول الله صلى الله عليه وسلم والتى تزوجها بعد وفاة أم المؤمنين السيدة خديجة رضى الله عنها وارضاها ؟

وسؤالى موجه للمشرف العام / ميدو البرادعى ........

ايه يا أخوانا
اتاخرتم ليه فى الاجابة
عاوزين نشترك

ارجو الرد
اخوكم تتح
ادعولى بالنجاح

يارب تنجح يا تتح

ممكن تجاوب يا تتح

شكرا ليك يا مهندس عمر
الاجابة هى
أم المؤمنين سودة بنت زمعة
تزوج النبي صلى الله عليه وسلم- بسودة ولديها ستة أبناء وكان زواجها في رمضان في السنة العاشرة من النبوة،
بعد وفاة أم المؤمنين خديجة رضى الله عنها بمكة،
وقيل: سنة ثمانية للهجرة على صداق قدره أربعمائة درهم، وهاجر بها إلى المدينة.
وسؤالى هو
من هو الصحابي الذي اهتز عرش الرحمن لموته ؟

اسف يا اسلام
والله لسة شايف السؤال دلوقتىالساعة واحدة ونص باليل
اعذرنى يا معلم
وشكرا على الموضوع الرائع من الدكتور احمد ايهاب
اللى ديما منورنا بموضيعة الجميلة والمفيدة

واجابتى على الؤال اللى سئلة تتح مين تتح دة

الصحابي الذى اهتز لموته عرش الرحمن ؟؟!!

بل وأكرمه الله كرامات عديدة
واسلم وعمره 30 سنة وتوفي وعمره 37 سنه
هو الصحابي الجليل سعد بن معاذ

وهو سيد قبيلة بني عبد الأشهل وهو أوسي أنصاري

يقول رسول الله صلى الله عليه وسلم : (( مات سعد فاهتزّ لموته عرش الرحمن ))

وسؤالى هوة
كم عدد الأنبياء والرسل الذين صلّوا خلف النبي محمد صلى الله عليه وسلم في المسجد الأقصى

السلام عليكم ورحمة الله وبركاته
تحية طيبة مباركة للاخ ميدو البرادعى
شكرا لمشاركتك معنا فى المسابقة الرائعة دى
وشكرا للمهندس أحمد إيهاب (عموما) والمستر بتاعنا (خصوصا)
شكرا ليه على المسابقة الرائعة والجميلة دى

الاجابة هى :
لم يرد شيء ثابت واضح قاطع في عدد الأنبياء والرسل الكرام الذين صلوا خلف رسول الله صلى الله عليه وسلم في المسجد الأقصى المبارك ليلة الإسراء والمعراج، حيث لم يحدد النبي صلى الله عليه وسلم في ذلك عدداً أو رقماً معيناً.
والرواية الاقرب للصواب أن عدد الانبياء والرسل الذين صلوا خلف رسول الله صلى الله عليه وسلم هو 124 ألف نبي ورسول كريم عليهم الصلاة والسلام أجمعين، ومنهم بالطبع 313 رسول ومنهم خمسة وعشرون نبياً ورسولاً ذكروا في القرآن الكريم وبينهم كما نعلم الخمسة الأنبياء أولو العزم عليهم الصلاة والسلام.

اما سؤالى هو :
من هى الصحابية الجليلة التى قال لها رسول الله صلى الله عليه وسلم ( قرى فى بيتك فإنك شهيدة ) ولقبت بالشهيدة ؟

شكرا ليكى ياقمر
والاجابة هى
الشهيدة الحية : أم ورقة
قالت للنبى ( عند الخروج إلى بدر: يا رسول اللَّه ائذن لى فى الغزو معك، أُمَرِّضُ مرضاكم؛ لعل

اللَّه أن يرزقنى شهادة. فقال لها (: "قرى فى بيتك، فإن الله تعالى يرزقك الشهادة" [أبو داود].

وتلك نبوءة نبَّأ بها رسولَ اللَه ( العليمُ الخبير، فعُرفت بعد ذلك رضى اللَّه عنها بالشهيدة.

أسلمت وحسن إسلامها، وكانت تحافظ على الصلاة، ودروس العلم، وحفظ القرآن الكريم،

ايه يا ميدو عامل ايه؟
انت جاوبت فين السوال يا عم؟

فى البدايه احب اشكر ميدو على التعليق الجامد (يا قمر)
وياريت تحط سؤال علشان نجاوب عليه

ايه يا أستاذ ميدو
فين يا عم السؤال بتاعك
حط سؤال يا سعادة الباشا
عاوزين نشترك معاكم فى المسابقة

أخوكم الدكتور بيدو
زعيم حركة الفشل بالمنتدى

اسف على التاخير
وتحياتى ليكم على التعليق
والسؤال هو

كم عدد ابناء رسولنا الكريم ص ولاد وبنات

وعدد زوجات الرسول واسمائهم بالترتيب

الاستاذ ميدو البرادعى
السلام عليكم ورحمة الله وبركاته
الاجابة هى
ابناء النبى الذكور هم :
1_ القاسم
2_ عبد الله
3_ إبراهيم
أما بنات النبى فهن :
1_ زينب
2_ رقية
3_ أم كلثوم
4_ فاطمة الزهراء

وأزواج نبى الله صلى الله عليه وسلم هن :
1_ السيدة خديجة بنت خويلد
2_ السيدة سودة بنت زمعة
3_ السيدة عائشة بنت أبى بكر
4_ السيدة حفصة بنت عمر بن الخطاب
5_ السيدة زينب بنت خزيمة
6_ السيدة أم سلمة هند بنت أمية بن المغيرة
7_ السيدة زينب بنت جحش
8_ ‏السيدة جويرية بنت الحارث بن أبي ضرار
9_ السيدة ‏صفية بنت حيي بن أخطب
10_ السيدة أم حبيب رملة بنت أبى سفيان بن حرب
11_ السيدة مارية بنت شمعون القبطية
12_ السيدة ميمونة بنت الحارث
وقيل أن النبى تزوج من
13 _ ريحانة بنت زيد
14_ خولة بنت حكيم
15_ أميمة بنت النعمان ( طلها النبى قبل أن يدخل بها )
وسؤالى هو :
من هى الصحابية التى لقبت ب الحوراء العيناء

السلام عليكم

الحوراء العيناء

هي

أم رومان الكنانية

والسؤال هو
ماهى الصحابيه التى لقبت بى

صاحبة بيت الأذان

بسم الله الرحمن الرحيم

الاجابة يا أستاذ محمد هى الصحابية :
النوار بنت مالك الأنصارية

أما سؤالى هو :
من أول صحابى من صحابة الرسول صلى الله عليه وسلم والذى حيا الرسول صلى الله عليه و سلم بتحية الاسلام؟؟

أول من حيا الرسول بتحية الإسلام؟

الصحابي الجليل أبو ذر الغفاري رض الله عنه

سؤالك فين يا أستاذ ميدو ؟؟؟؟؟؟؟
منتظرينه ...
وان شاء الله أخوك أحمد إيهاب يجاوب عليه

أيه يا أستاذ ميدو
أنت أتأخرت قوى فى كتابة السؤال بتاعك
ياريت السؤال علشان نكمل المسابقة

اسسسسسسسسسف جدا ع التاخير

سؤالى هوة معلش هوة صعب شوية
بس اكيد مش صعب عليكوا

أوحى الله إليهم وليسوا من الإنس والجن ولا من الملائكة . فمن هم

أخى العزيز ميدو البرادعى
شكراً جزيلاً على السؤال الرائع دة
والاجابة هى :
النحل "وأوحى ربك إلى النحل أن اتخذي من الجبال بيوتاً ومن الشجر ومما يعرشون" سورة النحل
أما سؤالى هو :

ما هى الثلاث مواضع التى يُمنع فيها الذبح ليلاً؟
ولكم جزيل الشكر

بسم الله الرحمن الرحيم
شكرا للمستر أحمد على السؤال
وبأحب اقوله السؤال تعبنا شويه لحد ما عرفنا الاجابه
اما الاجابة فهى :
الثلاث مواضع التى يمنع فيها الذبح ليلا هى :
الأضحية - الهدى - العقيقة
اما سؤالى فهو :
من هم العشرة المبشرون بالجنة رضوان الله عليهم أجمعين

ايه يا شباب هو السؤال صعب ولا انتو مش عاوزين توجعو دماغكو
فين الناس المتحمسه اللى بتحب تشارك
مستنى الاجابه وياريت محدش يتاخر

اسفين ع التاخير يا ابو حميد

العشرة المبشرين بالجنةهم
أبو بكر
وعمر
وعثمان
وعلي
وطلحة
والزبير
وسعد بن أبي وقاص
وسعيد بن زيد
وعبد الرحمن بن عوف
وأبو عبيدة بن الجراح

وهذة شجرة المبشرون بالجنة
الغاز اسلامية ...اختبر معلوماتك الدينية 830595714

الغاز اسلامية ...اختبر معلوماتك الدينية 830595714

ولا يهمك على التاخير
بس انت عندك مشكله دايما تنسا السؤال
ويا ريت لو تكرمت تحط السؤال
وجزاك الله خير على الشجره دى

عدد المساهمات : 2 تاريخ التسجيل : 27/05/2010

ايه يا عم ميدو انتا نسيتنا ولا ايه فين السؤال ؟؟؟؟؟؟؟؟؟؟

السؤال هوة

متى فرض الصيام على المسلمين

فى اى عام هجرى و كم عام صامة الرسول قبل وفاتة

فـُرض صيام رمضان في السنة الثانية للهجره
وقد صام رسول الله صلّى الله عليه وسلّم
تسع سنوات توفي بعدها .
هذا والله اعلم

فين السؤال يا أستاذ محمد عوض

بما ان السؤل الاخير عن الصيام
فهنكمل فى نفس المسئله
سؤل سهل وخفيف
ما هى شروط صحه الصيام

الإسلام : فلا يجب الصيام على كافرٍ ولا يصح منه.
2. البلوغ : لا يجب الصوم على الصبي ويصح منه إن صام لقول النبي – صلى الله عليه وسلم – فيما روته السيدة عائشة عنه :" رفع القلم عن ثلاثة : عن الصبي حتى يبلغ ، وعن النائم حتى يستيقظ ، وعن المجنون حتى يعقل ".⁽^{أخرجه أبو داود في السنن برقم 4399- 4403}⁾
3. العقل : فلا يجب الصيام على مجنون ولا يصح منه وإن صام لعدم تحقق النية أما المغمى عليه لأيامٍ كثيرة أو معظم اليوم فلا يصح صومه وعليه قضاؤه.
4. الطهارة : من دم الحيض والنفاس فلا يصح الصيام من حائض أو نفساء ولو صامتا عمدًا أثمتا فيجب عليهما الإفطار في رمضان والقضاء. فقد صح عن عائشة – رضي الله عنه – قالت :" كان يصيبنا ذلك مع رسول الله – صلى الله عليه وسلم – فنؤمر بقضاء الصوم ، ولا نؤمر بقضاء الصلاة ".⁽^{أخرجه مسلم في صحيحه برقم 335}⁾
فإذا حاضت المرأة قبل أذان المغرب ، ولو بلحظة فسد صومها وعليها القضاء وإن طهرت ليلاً أي رأت علامة الطهر سواء الجفوف أو القصة البيضاء وجب عليها الصوم ولو لم تغتسل ، وصح صومها سواء اغتسلت بعد الفجر ، أو لم تغتسل أصلاً ، لأن الطهارة ليست شرطاً في صحة الصوم ، وحكم الحيض والنفاس سواء.

وكذا الجنابة ، فلا يشترط لصحة الصيام الطهارة منها ، فلو أصبح جنباً بسبب وطء أو احتلام ، أو نام نهارًا في أيام رمضان فاحتلم ولم يغتسل ، صح صومه ، ولكن يأثم لتركه الصلاة. وإذا شكت الحائض أو النفساء هل طهرتا قبل الفجر أو بعده؟ فعليهما الصوم وتقضيان ذلك اليوم احتياطاً.⁽

^{اما الاسؤال هو}

^{كم عدد الاحاديث اليى رواها الامام البخارى عن ا لنبى (ص)}

ايه يا جماعه السؤال صعب ولا ايه

اخى الفاضل احمد حمدى
البخارى لم يروى احاديث بنفسه عن الرسول صلى الله عليه وسلم وانما روى عن بعض الصحابه والتابعين
وقد روى 7563 حديث
وجزاكم الله خيرا

فين ااسؤال يا استاز محمد

اسف للتأخير
كم عدد الغزوات التى حضرها النبى صلى الله عليه وسلم

8 غزوات

أحد وبدر وتبوك وفتح مكة وخيبر والخندق اللى هى الاحزاب ووغزوة مؤتة وحنين

عاوزين حد يحط سؤال يا اخوانا
المسابقة وقفت ليه
ولا احط انا سؤال ؟؟؟؟؟؟؟؟؟؟؟؟

حسب قوانين المسابقه اخر واحد يجاوب على السؤال يضع سؤال اخر ليه الاخت منة الله لم تضع سؤال اخر لعل المانع خير ويريت نكمل هذه المسابقه

السلام عليكم ورحمة الله وبركاته

نظرا لتوقف المسابقة اسمحولى اعمل حركة انقاذ واضع السؤال وهو كالاتى :

قال النبى( شيبتنى هود واخواتها)

فما هى السور التى اشاءر اليها النبى بقوله (اخواتها ) ؟

هل من مجيييييييييييييييييييييييييييييييييب على سؤالى ؟

اين انتم السؤال سهل ؟

» الفرق بين الغاز الطبيعى؟والغاز المستخدم فى اسطوانات الغاز
» صحح معلوماتك .......
» اضف الى معلوماتك
» ضيف الى معلوماتك (مصر)
» اختبر مدى ذكائك