الرياضة فى كفر ابونجم مابين المشاكل والحلول

الرياضة فى كفر ابونجم

الرياضة فى كفر ابونجم من اكبر وجهات الفساد بالقرية
لانة فساد يتلاعب بكل شباب القرية

اولا: لية مركز الشباب بتاع القرية وصل لهذا الوضع المتردى - ان اعتبرناة مركز شباب
ثانيا: اليس هناك اتنين من اهالى القرية موظفين بمركز الشباب ويتقاضون مرتبا شهريا

وبالتالى المفروض من واجبهم ان يحافظوا على مركز الشباب

ثالثا : اليس من المفروض ان نسعى لعمل ملعب خماسى للمارسة الرياضة بة بدل ما نبهدل المدرسة

رابعا : الحال المتردى الى وصل لية ملعب كرة القدم الى بالحوشة

حديد المرمى مصدى ومتكسر وممكن يقع فوق دماغ اى حد فينا وتحصل مصيبة
الارضية متكسرة وحالتها يرثى لها
فى الصيف الملعب غرقان من المصارف عشان الارز
وفى الشتا الناس بتدرس فية الارز و عملاه جرن للدرس

يعنى البلد بيهدر فيها حق الشباب من قبل بعض الناس


والمطلوب منا كلنا البحث عن حلول بديلة لايجاد مركز للشباب وايجاد ملعب خماسى للبلدة واصلاح ما يمكن اصلاحة بالملعب الكبير
وكل دة سوف ياتى على خطوات

اولا نقابل الاتنين الاخوة الى بنسمع انهم مسؤلين عن النادى ونشوف لية ان مفيش اى اهتمام بالنادى
هل هما ما بيخدوش مرتب ولا مفيش دعم للنادى

ثانيا بالتنسيق معهم ومع الجهة الادارية المسؤلة نقوم بترميم النادى - هتسالوا طيب منين التكاليف-
الموضوع بسيط
هنشوف اى مهندس او مقاول بيبنى بالقسط
هيشوف النادى - واظن ان كل حاجة بايظة فى النادى الا الحيط
اول شىء سيتم تعلية الحيط بطول مترين اخرين وصب السقف
واى مقاول فى الدنيا بيشتغل بالقسط بياخد حوالى 300 جنية شهريا ودى ممكن نسددها من فلوس الدعم الى بيجى للنادى ونفعل الاشتراكات ونسدد منها الاقساط

وبعد كدة المحارة والترميم والكهرباء والسباكة للحمام وده ان شاء الله سوف تتم بالتبرعات والجهود الذاتية لاهالى البلد وشباب القرية

وبعد ترميم النادى هيكون مركز الشباب مكان ممتاز لعقد اجتماعات جمعية تنمية القرية

الخطوة الى بعد كدة
فى عندنا 6 قيراريط باقين من المدرسة الابتدائى ممكن جدا يتعملوا ملعب خماسى
والارض قريبة جدا من النادى وبالتالى ممكن نلعب فيها سواء بالليل او بالنهار

الخطوة التالتة ستكون بالملعب الكبير سواء من ناحية تعلية الجوانب او تظبيط ارضية الملعب وترميم حديد المرمى

وبردوا الناس الى عايشة فى القرية وملامسة لواقع الشىء ممكن يكون عندهم افكار احسن منى


فى ناس كانت بتقول ان فؤاد اباظة جاب موافقة على مركز شباب متطور
عاوزين الناس تسال وتتابع وتشوف هل الموافقة دى موجودة ولا لا
وهل هى موافقة شفهية ولا مكتوبة نقدر نتابع بها

مستنى ملاحظتكم وتعليقاتكم
والسلام عليكم ورحمة الله وبركاتة

السلام عليكم ورحمه الله وبركاته

شكرأ علي موضوعك الجميل يادكتر وليد وأحنا عرضنا المشكلة دي
في الجمعية
وتم تعين أفراد لعمل اللازم أتجاهو وأن شاء الله أنا هتابع الموضوع
وهبلغكم بأي جديد أن شاء الله في أقرب وقت
وتقبل تحياتي ومروري لك

طرح ممتاز يا دكتور وليد وياريت نلاقي طريقه لتنفيذ هذه الأمنيات

والله موضوع جميل يادكتور وليد
وياريت تتنفذ الخطوات اى قلت عليها