الي مهندس عمر مهدي وجميع اعضاء المنتدا

ده رد ميدوا البرادعي علي تعليقي
اية يا عماد
انت غيرت اسمك من الصياد للاهلاوى
وبعدين دة اول واخر تحزير ليك يا عم المحترم
بعد كدة اى موضوع او تعليق ليك هحزفة من القسم الرياضى
يتعلق محترم يا يتسكت العملية مش ناقصة قرف
انا مش هحزرك تانى

ودلوقتي بسال حضرتك المنتدا المفروض اننا بنقول تعليقات علي المواضيع ومشاركات ومساهمات سواء كان رياضي اوثقافي وبصراحة متعودتش اجامل ومينفعش يكون للاهواء الشخصية او ارضي احد علي حساب احد
اقصد لوم ش عجب الاخ المحترم ميدو تعليقي علي موضوع معين مثل العميد يحزف التعليق علي نفس الموضوع مش القسم بالكامل
ده الي انا بتوقعه من حضرتك وانا شاركت المنتدا وكنت عضوا نشط فيه لمعرفتي بمدي الاحترام المتبادل بين الاعضاء والفكرة الجيده لانشاء المنتدا
واخير مابني علي الحق دام واتصل ومابنيا علي المحاباه هدم وانقطع
وشكرا لحضراتكم
عماد الصياد

زائر

ارجوك يا استاذ عماد مش تكبر الموضوع
ميدو مش بيحب احد يهين الزمالك وانت اهنت الزمالك وهو نبه حضرتك انك مش تعمل كده ٠وده شئ عادي
وان كنت تحب الاهلي ومش عايز احد يكتب عليه ويهنه احنا تحت امرك

والله يا جماعة الموضوع مش كبير ويا استاذ عماد بلاش تجريح فى الزمالك علشان الموضوع مش يكبر ويا استاذ احمد بلاش نكبر الموضوع المنتدى دة قوى بأعضائة واحنا زى العائلة
وانا بقدم اسفى ليك يا استاذ ميدو على اللى الاخ عماد كتبو وانشاء الله مفيش حاجة
اخوكم الاصغر امير محمود غنيم

اولا دة تعليق الاخ عماد
عماد الصياد كتب:اعتقد انه المشكلة مش مشكلة فريق ولاعميد ولاغفير المشكلة مشكلة نادي بالكامل ومشجعين
عماد الاهلاوي
انا اسف انى برد دلوقتى
لانى لسة شايف الموضوع بسبب شغلى
دة تعليق الاستاذ عماد الصياد على موضوع يخص الزمالك
وانا كنت بتمنى من الاخ المحترم انة ينزل تعليقة المستفز مش ردى انا بس
عشان مدير المنتدى والاعضاء يعرفوا مين اللى غلط
وبعدين اية المطلوب منى لم اقراء رد مستفز زى دة
اشجع الاخ عماد ولا انزلة برقية شكر

وبصراحة متعودتش اجامل ومينفعش يكون للاهواء الشخصية او ارضي احد علي حساب احد
اقصد لوم ش عجب الاخ المحترم ميدو تعليقي علي موضوع معين مثل العميد يحزف التعليق علي نفس الموضوع مش القسم بالكامل

وبعدين يا سيدى الفاضل اية المجاملة فى كدة
واهواء اية الشخصية اللى انت بتتكلم عنها
هوة انا طلبت منك تشجع الزمالك انت ولا غيرك
يا عمى انا محترم مع كل الناس وما بغلطش فى حد
انت عملت من الموضوع قضية رائ عام
انت علقت بشكل فية اسائة واستفزاز وانا رديت عليك بنفس اسلوبك
وانا عمرى ما علقت بشكل فيه اهانة للاهلى او اى نادى غيرة
واللى هيعلق برد فيه اهانة للزمالك انا مش هسكت لية
وهحزف تعليقة من هنا
وحضرتك لما تنزل موضوع محترم انا عمرى ما هحزفة
لان دة مش طبعى ولا اسلوبى
ولو انا كدة كنت حزفت الموضوع دة
ياريت كلامى المرة دى يكون وصل وما فهوش اسائة لحد

ميدووووووو البرادعى

أمير محمود غنيم كتب:: والله يا جماعة الموضوع مش كبير ويا استاذ عماد بلاش تجريح فى الزمالك علشان الموضوع مش يكبر ويا استاذ احمد بلاش نكبر الموضوع المنتدى دة قوى بأعضائة واحنا زى العائلة
وانا بقدم اسفى ليك يا استاذ ميدو على اللى الاخ عماد كتبو وانشاء الله مفيش حاجة
اخوكم الاصغر امير محمود غنيم

اولا
انا بشكرك يا امير
على كلامك الجميل دة
وانا والله لسة شايف الموضوع دلوقتى
وكان لازم ارد على الاخ عماد
واعرفة انة هوة اللى غلط مش انا
وانا ما كنتش متوقع منة الرد دة ولا اهانتة للزمالك
لانى عارف من تعليقاتة ومواضيعة انة راجل محترم
وانا مافيش بينى وبينة غير كل الاحترام والود
لانى ما اعرفوش شاخصيا ولا بينا عداوة سابقة
كل الحكاية انة رد باسلوب وحش وانا رديت علية بنفس اسلوبة
بشكرك مرة اخيرة

ميدووووو البرادعى

المهندس\حمودة سمير كتب:: ارجوك يا استاذ عماد مش تكبر الموضوع
ميدو مش بيحب احد يهين الزمالك وانت اهنت الزمالك وهو نبه حضرتك انك مش تعمل كده ٠وده شئ عادي
وان كنت تحب الاهلي ومش عايز احد يكتب عليه ويهنه احنا تحت امرك

شكرا ليك يا حمودة
على تعليقك وكلامك المحترم
فى غيابى

ميدووووو البرادعى

خلاص يا جماعة مفيش حاجة دانتو خوات ومتكبروش الموضوع ومع تحيات للاستاذ ميدوالبردعى \عماد الصياد

امير محمود غنيم

السلام عليكم
انا بشكر جميع الاعضاء على الردود ومهما كان هناك اختلاف فى وجهات النظر فهذا هو طبيعة البشر ولكن فى كيفية التعامل والتواصل رغم الاختلاف ... فهذا هو الشىء الطيب الذى اشعر به فى هذا المكان منتدانا منتدى ابونجم ... واحب اقول لكل الاعضاء انى بأكن كل حب واحترام لكل الاعضاء وخاصة المشرفين والاستاذ ميدوالبرادعى ولم اقصد فى مساهمتى بخصوص الزمالك الاساءة او التجريح ولكن كانت مجاراة للخبر وليس الا ومع ذلك قمت بابلاغ الاستاذ محمد نجم بها وانا لا اعرف انها ستثير غضب بعض الناس مثل الاستاذ ميدو ... ولو اعرف لما وضعتها

وانا يا جماعة بحب الاهلى والزمالك وباحترم كل الاندية لانها بتصب فى المنتخب ومصلحة للكرة المصرية ان الزمالك يرجع قوى مرة اخرى ...

انا بشكر الاخ ميدو البرادعي علي الرد السابق وبأكد على روح الاخوة والتواصل والحب والتقدير لكل الناس التى تجمعنا من خلال المنتدى ..

وأؤكد على انى فخور بصداقة جميعالاعضاء بالمنتدى وفى انتظارالمزيدمن التواصل من خلال المنتدى وايضا من خارج المنتدى ونفسى اشوف واقابل كل الاعضاء فى اى عمل خارج المنتدى

والسلام عليكم

بسم الله الرحمن الرحيم
اتقدم بخالص الشكر والتقدير لكل الأعضاء المحترمين ميدو وعماد وأمير ومحمد نجم لما ظهر منهم من أسلوب حضاري في معالجة سوء التفاهم الذي حدث واعتبر ان ذلك دليلا قاطعا على نجاح منتديات ابو نجم وانتصارا لمبادئنا القائمة على التحاور والتشاور لا التعصب والتهكم
واقسم اني فخور جدا بكل عضو معنا واتمنى صداقته بصفه شخصية واتطلع إلى ذلك بل وأدعو جميع الأعضاء إلى تحديد موعد لعمل مايشبه اجتماع عام لكل منسوبي وأعضاء المنتدى حتى نتعارف أكثر
والله ولي التوفيق
مدير المنتدى : مهندس عمر عبدالحميد

جزاكم الله خير واتمني انياراك قريبا
وشكرا لاهتمام حضرتك

اولا
انا بعتذر للاخ عماد الصياد
عن اى تجريح او تطاول منى
وبجد انا بحترمك جدا لانك زى ما قولت قبل كدة
راجل محترم وانا بتشرف بوجودك معانا
واعذرنى لانى بجد الزمالك عندى حاجة كبيرة
وانا بسامح فى الاهانة ليا لاكن ما بسامحش فى اهانة للزمالك
بشكرك على ردك المحترم
وبشكرك كل الاعضاء المحترمين ومدير المنتدى على ردهم المحترم
وصله الود والمحبة اللى بينا جميعا

ميدووووو البرادعى

» كل عام وجميع اعضاء المنتدى بخير
» محمد ابو مهدي : كل سنة وانت طيب
» ترحيب حاااااااار للاخ الغالي محمد مهدي لرجعو للمنتدي
» مبروك للاهلى وجميع الاهلاويه
» هل أنت مدير ام مهندس؟