شوفو حال كفر ابو نجم واللة حرام

بدل العب والاهداف شوفو حال البلد بقى الحمد للهالة شوفو مشروع حيوى حاجة تعلو بيها شأن البلد
مثال فين مركز شباب البلد راح فين يا كابتن عمر اسالو العمدة
فى ميزانية لمركز شباب كفر ابو نجم كل سنة بتروح فين لالالالالالالالالاتعليق
شوفو حال جمعية الوفاة فين فلوسها من يوم مانعملت هما 650جنية ومع ان كل واحد بيتجوز بيخش اجبارى طب لية متبقاش 651جنية او 649 اسالو عبد المنعم
طب حزر فزرو لية مفتاح المضيفة مع عبد المنعم من سنة 1990 لا تعليق
شوفو حل لمشروع الصرف الصحى الى وقف بقدرة قادر بعد ما اشترو الارض وكلو حاجة جاهزة لالالاتعليق
كل سنة فى العيد الكبير بيقرفونا يومين كما تبرع فلان بجلد الاضحية كما تبرع زينهم بجلد الاضحية كما تبرع بزو بجلد الاضحية
بتروح فين فلوس الجلد من 15 سنة واكتر لالالالالالالالالالالالالالالالالالالالا تعليق

طب والمصيبة احنا بنلعب كورة وترعة الاسماعلية على وشك الانهيار علينا واحنا نايمين فى الحوشة لالالالالا تعليق
قال اية العمدة العمدة ساب كل المشاكل دى وكتبلى عالباب غرفة التليفون وطفش الغفر من حوالية لالالالا تعليق
وكبار البلد كل همهم يشتكو فى بعض وشباب البلد كل همهم يلعبو كورة لالالالالالالالالا تعليق

انا مش بقول بلاش كورة بس مش كل حاجة كورة والنبى بصو للبلد شوية
اتمى من الله ان يعود هذا الموضوع بالمنفعة وان ننقذ اهلنا وبلدن واولادنا من الهلاك المنتظر
واتمنى من الله ان لايحزف موضوعى من قبل ادارة المنتدى و انتظر الردود

أخي العضو الكريم (( العنود ))بدلا من أن تلعن الظلام أشعل شمعة صغيرة فظلام الكون كله لا يستطيع ان يطفيء ضوء هذه الشمعة

وانا ارحب بك وبحماسك وكلنا فخورين جدا بتلك الهمة العالية ولكن ؟
الانتقاد وحده لا يكفي فكفانا جلدا لانفسنا وتعذيبا لذاتنا!
ونظرية المؤامرة والقاء التهم جذافا دون دليل هي نوع من الظلم للأخر !
وأنا معك تماما في ان بعض الجمعيات والمشاريع الأهلية في القرية تنعدم فيها الشفافية والوضوح ولا تسير بالشكل المطلوب مما يفقد القائمين عليها كثيرا من ثقتنا فيهم .

ولكن دعنا نقترح حلا أو مجموعة حلول وبدلا من صرخات بدون هدف نجعلها دعوات لكل من في المنتدى لابداء الرأي في طريقة نحل بها مشاكلنا دون تجريح شخص بعينة (( هكذا علمنا نبينا علية أفضل الصلاة والسلام ))

وانا منتظر منك تفكير إيجابي ووجهة نظر منطقية منك ومن باقي أعضاء المنتدى .

وصدقني أنا أول واحد هيقف معاك وعلى فكرة انا مشارك بأسمي الحقيقي ومش متخفي .

اولا
احب اهنى العنود على صراحته المعهوده
ثانيا
العضو (مطلوب شمعه ــ...) كلامك حلو ومؤثر واقتباسك من الحكم والاقوال المأثوره وتعاليم المصطفى .صلى الله عليه وسلم

بتطلب من العنود انه يولع شمعه ماتولعها انت طيب مولعتهاش من بدرى ليه ..!!!!!؟

ولا احنا بنقول كلام مزوق يأثر فى الناس وبس

وبتقول انك هتساعده لما يعمل حاجه طيب ازاى تساعده وانت ماسعدتش نفسك
ايوه ماولعتش شمعه ليه وساعدت نفسك من زمااان ....!!!؟؟؟؟
ولا مستنى حد هو اللى يعمل كده وانت وراه علشان ماتبقاش فى وش المدفع ...!!!!!؟؟؟

الخوف الخوف الخوف .....

بطلو بقى خوف

( ماتزعلش منى ده رأى وعبرت عنه واظن انى مش جرحتك او غلط فيك ولو حصل منى يبقى بدون قصد )

ـــــــــــــــــــــــــــــ ـــــــــــــــــــــــــــــــ ــــــــــــــــــــــــــــــــ

الاخ موني /الظاهر إن حضرتك مش شايف كويس

أولا انا مش اسمي مطلوب شمعة لان كلمة (( مطلوب شمعة )) هي عنوان التعليق

ثانيا انا مطلبتش من حد حاجة انا كنت بس بأمنع العضو العنود من تجريح الاشخاص وحاولت أوجهه لطريقة عملية وايجابية نحل بيها مشاكلنا
ووجهة له دعوه صريحة للمشاركة مش زي ما حضرتك قلت اني عايز احطه في وش المدفع لان بلدنا مافيهاش مدافع

ثالثا انا بأساعد نفسي كويس والحمد لله ناجح في حياتي بشكل يرضي ربنا وبأحاول اساعد كل الناس اللي اعرفهم عشان اكيد انا كمان محتاجهم

رابعا انا والحمد لله ما باخفش من حد غير ربنا واسمي مكتوب صريح وواضح بس حاول تشوف كويس

واخيرا طبعا هتسأل نفسك بصفتي اية بأنصح الأعضاء وباوجه المخطئ
لاني ببساطة مؤسس ومدير المنتدى ده واللي اعتبرته شمعه صغيرة عشان ابو نجم

مع ملاحظة اني ممكن احذف اي مساهمة غير لائقة او اي عضو يخرج عن النص ولكن انا مؤمن تماما بحرية التعبير ولكن دون تجريح
ومنتدى ابو نجم ملك للجميع

ويارب تكون فهمت كلامي

هما مش 4 اخطاء ولا حاجه
انت اللى مش واخد بالك من ان اسمك واضح واى حد ممكن يشوفه حتى الاعمى
والمهم انى مغلطش فيك كلامى كان عادى بس يظهر انك بتاخد على خاطرك بسرعه
بس انا حبيت استفزك شويه بس هزار لانى قريب منك جدا بس انت مش واخد بالك
بس كده تمام مدام اتنرفزت يبقى انا ماشى صح
وبعدين ايه ياعم هو علشان انت اللى عامل المنتدى هتخذف عضوية اللى يزعلك ..!!؟؟؟
تابع ردودى على المواضيع وانت تعرف انى عملت كده معاك انت بس
بس مش ههزر معاك تانى ولما اقابلك هتلاقينى زعلان منك
بقى بعد العمر ده كله تزعل منى ...!!!!!!!!!!!

انتم خرجتم عن الموضوع
وثانيا فعلن انت اسمك واضح ولكن مش تنسى
MoOonyفان عرفته من اسمه لانه يظهر دائما بهذا الاسم