الغش فى الامتحانات

شكرا لمرور حضرتك يا استاذ عمر ع الموضوع


بس لسة فية طلبة بتاخد الكتب فعلا والكتب صغيرة بيعملوها الايام دى المدرسين وبيبعوها للطلبة طب لية انا مش عارفة امال المدرس كان بيشرح اية طولة السنة


بس انا اعترضت انهاردة فى امتحان الدراسات وقولت مش عايزة ولا مدرس يقول ولا كلمة ولا حتى كتب تطلع ولا طلبة يتكلموا هو فعلا اانا اتشتمت من المدرسين ومن الطلبة بس رئيس الدور جة قالى من حقك تقولى كدة

اة كان الامتحانات صعبة بس مش كلها العلوم والدراسات والنحو فى العربى والرياضيات وقبل دة كلة الانجلش كانوا حلوين اووووووووووووووووووووووى


بس انا شكلى لسة هيضربونى ع اللى حصل

ما هو من الاخر كله بيغش اللي بياخد درس واللي مش بياخد وحتي الطالب اللي مذاكر وقت لما يلاقي غش وهو عارف بيقول لما اشارك اصحابي حتي في الثانوي حتي في اللجنة الانا فيها

انا بشكرك على مرورك يا سيد بس مش كلة بيغش والله مش كلة

وربنا يحمى كل الزملكاوية من العيون الحمر اللى هما مسحوهم امبارح

كلامك يا منة الله جميل ورائع
بس ممكن اطلب منك طلب واحد
ادعى لينا ربنا يكرمنا ونخلص امتحاناتنا زيكم
نفسى اخلص
زهقت من المذاكرة

دعواتك بقى

ربنا يكرمك وتخلص الامتحانات على خير يارب


انت وكل صحابك ربنا معاكوا

الغش فى كل مكان حتى الجامعات وزى ما بقوله المساواه فى الظلم عدل
وربنا يوفقك يا منه الله
واكيد ربنا مستحيل يساوى الى بيذاكر من الى مبيذاكرشى

انا مع حضرتك يا استاذ عمر

الموضوع فعلا جميل وهداف
لاكن المشكلة دلوقتى بقت فى الطلبة واولياء الامور قبل المعلم
بالنسبة للدروس الخصوصية
عندهم اعتقاد ان لو الطالب لو مخدش درس مش هينجح
اما بالنسبة للغش فى الامتحان
دى قضية بنعانى منها طول عمرنا
بيضيع مجهود الطالب الى بيذاكر طول السنة
ويبقى الى بيذاكر ذى الى مش بيذاكر
لو المدرس بيتقن عملة داخل الفصل
ولو الطالب بيتقن عملة وبيركز مع المدرس فى الفصل(دة لو المدرس عندة ضمير )
ولو الطالب بيركز فى الكتاب وهو بيزاكر ( بعد الشر ) كان الحال بقى غير الحال

نداء الى المدرسين ( البياعين) للاسف
اتقو الله
كنتو بتقولو المرتب مبيكفيش دلوقتى بقى فى كادر ومرتب تمام من غير حسد
حرام عليكو انتو متعرفو ش فلوس الدرس ابو الطالب بيجيبها منين وازاى

حسبى الله ونعم الوكيل

يا جماعه موضوع الغش بقى عاده كل سنه فى الامتحانات وده دليل على الفساد فى المجتمع المصرى
ولو نظرنا لوجدنا الفساد طال كل الجوانب فى المجتمع اذا كانت اقتصاديه او تعلميه او ثقافيه
ولو صلح حال التعليم لصلح كل جوانب المجتمع
ربنا يهدى الطلبه والمدرسين والغش يا جماعه مش لازم فى المدارس بس لكن الغش فى اماكن اخرى كثيره

نعم يامنة الله هذا ظلم سيحاسبهم الله علية لان هذا حرام وهذه النقود تعتبر رشوة

جزاك الله كل خير يا منه الله ده الموضوع ده مهم جدا وكتر جدا

قال رسول الله ص من غشنا فليس منا صدق رسول الله صلى الله عليه وسلم

السلام عليكم ورحمة الله وبركاتة

بالنسبة لموضوع الغش فى المدراس - اعتقد انة من الصعب منعة فى المدارس
وذلك لعدة اسباب
اولا
حرص الاسرة المصرية على الدروس الخصوصية من اجل نجاح اولادهم- النجاح وليس التعليم- وعدم احترام العديد من الطلاب واسرهم للمدرسة والعاملين بها
وبالتالى درس خصوصى يعنى نجاح سواء بطريقة شرعية او غير شرعية

ثانيا
حرص المدرسين على الدروس الخصوصية
لان المرتب قبل الكادر وبعد الكادر لا يكفى لعيشة كريمة للمدرس وافراد اسرتة
ودايما المدرس يرفع شعار ان التعليم بالمدرسة لا يكفى للنجاح
وبالتالى يرفع فى المقابل الدرس الخصوصى يعنى النجاح
عشان كدة المدرسين الى بيعطوا دروس حريصين على الغش فى مدارسهم اكتر من المراقبين الى من برة المدرسة

ثالثا
الدولة ترفع شعار النجاح للجميع
وبالتالى لو نسبة النجاح قلت عن حد معين - يبقوا قولوا على المدرس والناظر السلام- تحقيقات وجزاءات وربنا يسترها لو ما وصلتش للنقل من المدرسة
حتى النتيجة لا تعتمد من الادارة التعليمة لو نسبة النجاح لم تكن مرتفعة

وبالتالى نجد الغش فى المدراس والجامعات شىء ممنهج كلنا شركاء فية

الطالب والاسرة والمدرس والمدرسة والدولة


والحل هيكون بالتعاون بين كل الاطراف

يعنى تكون هناك مدرسة جميلة - نظيفة - بها كل الانشطة - الفصول غير متدكدسة بحد اقصى 15 طالب بالفصل وليس 50 طالب

ومرتب المدرس لا يقل عن 2000 جنية شهريا

عشان نلاقى اوولادنا بيروحوا المدرسة حبا فيها - مش يهربوا منها
ونلاقى المدرس بيساعد الطلاب مش بيكرهم فى المدرسة

واعتقد عشان دة يتحقق دة شىء صعب جدا