نعم والف نعم للتعديلات الدستورية

السلام عليكم ورحمة الله وبركاتة

انا فى رايى
معظم الناس الى بتقول لا - عشان مصلحتهم
ومعطم الناس الى بتقول نعم عشان مصلحتهم

يعنى فى الاول والاخر اختلاف للمصالح

اولا مين بيقول لا --الوفد والناصرى والتجمع والكرامة والجبهة--
ودى احزاب ملهاش اى تواجد فعلى فى الشارع المصرى
يعنى يوم ما يدخلوا فى مجلس الشعب
كلهم مع بعض حوالى 10%

ثانيا مين بيقول نعم
حزبى العمل والوسط وجماعة الإخوان المسلمين
ودول تمثيلهم بالشارع حوالى 30%
وبقايا الحزب الوطنى وسطوة رأس المال ودة يبقون فى الشارع المصرى حوالى 10%

ويبقى حوالى 50% من الشعب مش عارفين هينتخبوا مين

الحسابات دى بالوضع الحالى

اما لو انتظرنا لمرحلة اخرى
يعنى تقريبا لمدة عام حتى يتم وضع دستور جديد
كل حزب هيحاول اثبات ذاتة وزيادة الشعبية بتعتة ودة هيكون على حساب الوطنى والاخوان
لانى الوطنى زى ما احنا عارفين نسبتة كل يوم فى نقصان
خاصة مع الكشف على المزيد من ملفات الفساد الختصة بهم

ولان الاخوان ايضا نسبتهم عرضة للنقصان
لان 30% ليس كلهم مؤدين للاخوان ولكنهم 20% فقط
والباقى كانوا مؤدين لهم كرهم فى الحكومة ورجالة الوطنى

يعنى نعم للتعديلات الدستورية
المستفيد هو الاخوان والحزب الوطنى
لا تتعديلات المستفيد بقية الاحزاب وخسارة للاخوان والوطنى

بس نشوف نظرة المواطن العادى
لا يعنى استمرار حالة الفوضى وال لا امن والبلد واقفة
نعم يعنى عودة الحياة الطبيعية وبداية عجلة الانتاج والبلد توقف على رجليها من جديد


الخناقة بين نعم ولا
زى الطالب الى مش ذاكر والطالب الى مذاكر كويس
دة عاوز يأجل الامتحان يمكن يعرف يذاكر
والتانى عاوز ينجز ويمتحن ويثبت للناس انة الاشطر والاجدر

وفى النهاية الى ما ذاكرش من زمان - الوفد والناصرى والتجمع والكرامة والجبهة-
هيجوا برضوا عند الاستفتاء حتى لو اتعدل الدستور ويقولوا مش عاجبنة
والنبى استنوا شوية

والناس الى بتقول صلاحية مطلقة للرئيس الجمهورية

التعديلات بتقول الدعوة الى جمعية تاسيسية للتعديل فى عضون 6 شهور

والى حصل فى 25 يناير هيخلى او رئيس يمسك مصر يفكر الف مرة



ونهاية
نعم
والف نعم
للتعديلات الدستورية



ودة رايى
وكل واحد يبص من وجهة نظرة

بس المهم كلة بكرة يروح يدلى بصوتة

وشكرا

والسلام عليكم ورحمة الله وبركاتة

نعم
والف نعم
للتعديلات الدستورية

طبعا نعم , نعم , نعم
ويارب يوفق