تخاريف.............

ســــبـب تــســـمــيـــة أمـــاكــــــــن بـــهـــذا الاســــــــم

كوبري القبة
المهندس اللي بناه كان واقف عليه فالسيجارة وقعت منة فقال - أوبااااااااااااا

--------------------

وادي النطرون
كان في طفلين اخوات بيلعبو بالنطرون واتخانقوا بسببه فجه ابوهم و راح
رامي النطرون و قال لهم - وااااااادى النطرون - اللي انتو بتتخانقوا عليه

-------------------

الوادي الجديد
لما الأخوات اتصالحوا أبوهم جابلهم نطرون جديد بس اتخانقوا تانى
فقام أبوهم مسكه و رماه و قال - واااااااادى الجديد

---------------------

المطرية
في بداية نشأتها عام 1465 م
كان في 3 مهندسين شغالين في مشاريع الحفر و حبوا ياخدوا راحة
فواحد بيقول للتاني ما تعد يا باشمهندز علي الكنبه
راح رد عليه لا دي كنبه ناشفة
رد عليه : فين يا عم ده - مطرية أهي وزي الفل ومن هنا سميت المطرية

--------------------

بـورسـعـيـد

كان في واحد اسمه عيد ، وكان بلطجي و بيحب يعمل مقالب في الناس
و كان عنده برص كان يقعد يرميه ع الناس عشان بقرفهم
و مكانش حد بيقدر يكلمه كله كان بيخاف منه
و في يوم جه واحد من مدينة تانية بعيدة فعيد رمى عليه البرص
فده تلقائي قام قلع الشبشب و طراااااااخخ على البرص
فكان في راجل كبير واقف قاله انت عملت اييه يا مجنون
فقاله قتلت البرص
قاله يخرب بيتك ده - برص عيد -
و من ساعتها و المكان ده اسمه بورسعيد

--------------------
الإسـكـنـدريـة

كان فيه احتلال انجليزي علي شاطي المدينة وكان قائد الجيش اسمه اندريه
فلما واحد سأل علي اسم المكان ده قالوله
- ask Andria- فسموهاإسكندرية
-------------------

الإسماعـيـلـيـة

كان فى خروف زمان كانت ليته بتعمل صوت
فكل اللى يجي عندو يقول للتانى - اسمع اللية - فتسمت بقى بعد كدا اسماعيلية
--------------------
المعادى

عشان وهم بيعملوا الكورنيش واحد قلع هدومه ملط و حب ينط في النيل
ولما سألوه :إنت إتجننت في عقل أهلك ؟؟ قاللهم - معــــــــادي - إيه المشكلة يعني ؟

---------------------
سـوهـاج

كان فى المدينة واحد عملاق صينى اسمه سو
وكان لازم كل يوم ياخد اكل من الناس
و فى يوم مأكلش فهاج عليهم
فواحد لقى الناس بتجرى قال لهم فى ايه
قالولوا - (سو) هاج - فسموها سوها ج

ههههههههههههه
بجد والله العظيم الموضوع ملوش حل هههههههههههه
انا مش عارف بتجيبى الحاجات دى منين ؟

قدرات يا كابتن